في 1 مارس 1982، السفيات نزّلوا كاميرا في قلب جهنم... وهذي كانت أول صورة ملونة عالية الدقة في التاريخ لسطح كوكب الزهرة! المسبار السوفياتي Venera 13 كان مصمم باش يعيش 32 دقيقة أكهو تحت ظروف مرعبة: حرارة تفوت 460 درجة مئوية (تذوّب الرصاص في لحظات) وضغط جوي يعادل 90 ضعف الأرض، يعني نفس الضغط لو تنزل 900 متر تحت المحيط! لكن المفاجأة إن المسبار صمد 127 دقيقة كاملة وبعث أول صور بانورامية وأول تسجيلات لصوت الرياح، قبل ما تذوب إلكترونياته وينعصر هيكله بالكامل وتحتضر المركبة على السطح. الزهرة موش كوكب سهل إطلاقاً، ورغم ذلك البشرية نجحت في الهبوط عليه وإرسال بيانات من السطح 10 مرات كاملة عبر برنامجين سوفياتيين هم فينيرا وفيغا. واللون الأصفر والبرتقالي العجيب اللي تشوفوا فيه في الصورة موش فبركة؛ السحب الكثيفة المكونة من حمض الكبريتيك وغبار الكبريت تخدم كيف الفلتر الضوئي، تمتص الألوان الزرقاء وتخلي كان الضوء الأصفر والأحمر يتعدى. وضوء الشمس بيدو ينفذ بنسبة ضعيفة برشة بين 2% و10%، يعني الإضاءة على السطح شبه خافتة وتماثل يوم مظلم ومغبر على الأرض. أما السبب اللي يخلي الزهرة أسخن كوكب في المجموعة الشمسية (أسخن حتى من عطارد القريب للشمس) هو احتباس حراري خارق؛ غلاف جوي متكون من 96.5% من غاز ثاني أكسيد الكربون، يحبس الحرارة كيف طنجرة الضغط المغلقة وما يخليهاش تخرج إطلاقاً! لكن المرعب في الموضوع، بعض فرضيات و بحوث يقال إن الزهرة قبل 2 إلى 3 مليار سنة كان توأم الأرض الحقيقي! كان فيه محيطات مائية شاسعة، طقس معتدل، وإمكانية كبيرة لوجود حياة... لكن مع ارتفاع حرارة الشمس تدريجياً، تبخرت المحيطات، وبخار الماء زاد القوة متاع الاحتباس الحراري، فتفككت جزيئات الماء وهراب الهيدروجين للفضاء، وتراكم الكربون بالكامل في الجو ليتحول الجنة القديمة إلى أشرس جحيم في الكون! لكن فرضيات تبقى و تقدرات. تتوقعوا البشرية تنجم تطوّر تقنيات وترجع لسطح الزهرة في المستقبل، ولا المريخ باش يبقى خيارنا الوحيد؟ اكتبوا رأيكم في التعليقات، وتبعوا @cosmomystery لتكتشفوا أسرار الكون من المصدر! #venus #SpaceFacts #Astronomy #Space #fyp - @cosmomystery