@amasiradwan: أنا عشت الوجع… وعرفت الحزن، وعرفت الخيبة البتخلي الزول في لحظة يسأل نفسو ليه أنا؟ مرت علي أيام حسيت فيها إنو قلبي ما عاد فيهو حتة تستحمل وجع جديد، ومرات حسيت إني خلاص وقعت وما عندي طاقة أقوم لكن كل مرة كنت بفتكر إني انتهيت، كنت بكتشف إنو جواي قوة أنا ذاتي ما كنت عارفاها. يوم قسموك يا هم، كتبوا عليك اسمي… يمكن الهم عرف طريقي، ويمكن الحزن سكن معاي فترة، ويمكن الحياة ادتني من الخيبات ما يكفي… لكن برضو أنا اتعلمت، اتعلمت إنو ما كل حاجة بنخسرها خسارة، وما كل باب اتقفل في وشنا كان المفروض نكون وراهو. لو كان رووك بالدم، يا هم رووك دمي... لكن رغم كل الوجع ده، ما خليتو يحدد أنا منو، ولا يقرر نهايتي لأنو أنا لو رضيت بالهم، مابرضى بي همي. أنا وقعت… أيوه وقعت. بكيت… أيوه بكيت. اتخذلت… واتوجعت. لكن ما استسلمت. كل وقعة علمتني كيف أقيف. كل خيبة خلتني أعرف قيمة نفسي أكتر. وكل وجع مر علي بدل ما يضعفني، خلاني أثبت. عشان كدا ما تقولوا الزول البضحك ليكم ما اتوجع… يمكن ضحكت لأنو عرفت إنو الحياة ما بتقف على وجع، وإنو البكا مهما طال، في يوم لازم ينتهي. وفي الأيام البتغيب فيها الفرحة، كنت بسأل نفسي ياربي السعادة نستني؟ لكن حتى لما يوم السعادة تفوت… ما قررت أقعد في مكان الحزن قلت يا السعادة زوريني… زوريني ولو بعد حين، لأني عارفة إنو التأخير ما معناهو الحرمان، وإنو الأيام الحلوة ممكن تتأخر… لكن ما مستحيل تجي أنا ما دايرة حياة ما فيها وجع. أنا دايرة قلب يعرف يقوم بعد الوجع. لأنو ما كل حزن نهايتو ضعف وما كل خيبة نهايتها سقوط وما كل وقعة معناها النهاية أحيانًا بنقع عشان نتعلم كيف نقيف وبننكسر عشان نعرف قوتنا الحقيقية وبنمر بحاجات كنا فاكرين إنها حتنهينا، ونطلع منها أشد ثباتًا من قبل. أنا ما نفس الزولة البقت تبكي من أول وجع… أنا الزولة البقت تعرف الوجع، تبكي، تمسح دمعتها، وتقوم. وقعت؟ بقوم اتوجعت؟ بتعافى اتخذلت؟ بتعلم واتكسرت؟ بلملم روحي… وبقوم أحسن من أول. وفي النهاية… الوجع مرعلي لكن ما قدر يملكني الحزن سكن قلبي لكن ما قدر يطفي النور الجواي والخيبات وقعتني لكن ما قدرت تمنعني من إني أقوم أنا ما نجيت من الحياة بدون جروح نجيت منها أقوى..❤️‍🔥 ✨✒️❤️ #خواطر_من_القلب #تيك_سودانيز_مشاهير_السودان #اكسبلور #الشعب_الصيني_ماله_حل😂😂 #اغاني_سودانية

أماسي✨❤️

Open In TikTok:

Region: AE

Friday 11 September 2026 20:53:26 GMT