@rafeeqat_almushaf: ⁨ ⁨ ⁨ علاش رفيقة المصحف؟ 🌿 كاين بزاف نساء عندهم نية يحفظو القرآن، وحابين يقربو أكثر لكتاب ربي، بصح بين الخدمة، الدار، الاولاد ومشاغل الحياة... مرات صعيب نلتازمو بحلقات حضورية ولا بوقت محدد. ومن هنا جات فكرة رفيقة المصحف حبيت نخلق مساحة نسائية هادئة، تكون فيها صحبة صالحة على أثر القرآن، نعاونو بعضانا باش نحفظو، نراجعو، نفهمو ونتدبرو كلام ربي... بخطوات بسيطة ومنهجية مرنة تناسب ظروف كل أخت. • هدفنا ماشي غير تحفظي وتكملي السورة، بل نبنيو مع الوقت علاقة حيّة مع القرآن، ونخلوه رفيق في حياتنا، نهتدو به ونرتقو بأخلاقنا وأيامنا. في رفيقة المصحف راح تلقاي: 🌸حفظ ومراجعة بمنهجية ميسّرة 🌸تدبر ووقفات مع الآيات 🌸تصحيح وتلقين للتلاوة 🌸برامج إيمانية وتربوية 🌸متابعة وتحفيز 🌸والأهم... صحبة تعينك على الثبات والاستمرار. إذا كانت في قلبك نية تحفظي القرآن، بصح كنتي ديما تقولي « ما نقدرش نلتازم »... يمكن هذي هي الرفقة لي كنتي تستناي فيها. رفقةُ صالحةٌ على أثر القرآن 🩷🌿⁩⁩⁩

رفيقة المصحف

Open In TikTok:

Region: DZ

Friday 11 September 2026 21:33:27 GMT