@rubajaradat31: ميني بيتزا بعجينة بدون عجن 🍕🤍 بس المفاجأة؟ ما بدها تخمير ليلة كاملة! 🔥 إذا بتحبوا عجينة البيتزا هشة، خفيفة وفيها فقاعات، جربوا هاي الطريقة بنفس اليوم 👌🏻 المقادير ⬇️⬇️ • ٢ كوب ماء بحرارة الغرفة • ٢ ملعقة كبيرة عسل أو سكر (وممكن تقللوا الكمية لملعقة واحدة) • ¼ كوب زيت زيتون • ½ ملعقة صغيرة خميرة • ٣½ كوب طحين، ويفضل عالي البروتين (إذا كانت العجينة طرية كتير، زيدوا تدريجياً لحد ٤ أكواب حسب نوع الطحين وقدرته على امتصاص السوائل) • رشة ملح الطريقة ⬇️⬇️ نخلط كل المكونات خلط فقط، مش عجن، لحد ما تلم العجينة ويختفي الطحين. رح تلاحظوا إنها طرية جداً، وهذا هو القوام المطلوب. نغطيها ونتركها نصف ساعة. بعدها نبلل إيدينا بشوية مي أو زيت، ونعمل للعجينة مد وطوي: ناخد طرف العجينة، نمده لفوق ونطويه للمنتصف، ونكرر نفس العملية من الأربع جهات. نغطيها ونكرر المد والطوي كل نصف ساعة × ٣ مرات. بعدها نحط العجينة بعلبة مغطاة ونتركها ٤ ساعات بحرارة الغرفة، أو لحد ما تتخمر ويتضاعف حجمها. نقطعها لكرات صغيرة باستخدام طحين فرخة أو طحين قمح، ونتركها نصف ساعة ترتاح. نفردها بأطراف الأصابع من الداخل للخارج، بدون الضغط على الأطراف حتى نحافظ على الهواء والفقاعات داخل العجينة. الإضافات حسب الرغبة 🤍 أنا استخدمت: صوص بيتزا + صوص بيستو + بندورة مجففة + هاليبينو + فليفلة + جبنة موتزاريلا 🧀🍕 الخبز 🔥 نسخن الفرن مسبقاً على أعلى درجة حرارة، ما يعادل تقريباً ٢٨٠–٣٠٠°م. نخبزها على الرف الأقرب للنار من تحت، وبالنهاية نحمر الوجه، وبمجرد ما تتحمر من تحت بتكون جاهزة. والنتيجة؟ ميني بيتزا بعجينة هشة، خفيفة وفوق الوصف 🤤🍕 جربوها واحكولي كيف طلعت معكم 🤍

Ruba Jaradat3

Open In TikTok:

Region: CA

Friday 11 September 2026 22:57:30 GMT