@hadith.alsamt: يوم قسموك يا هم، كتبو عليك اسمي… كأنو يوم اتوزع الهم بين الناس، أنا أخدت النصيب الأكبر. كنت داير أعيش زي باقي الناس، أفرح من غير خوف، وأحب من غير ما أخاف من النهاية، وألقى في حضن الحياة حاجة تطمن قلبي… لكن يبدو إنو نصيبي كان مختلف. حبيت بصدق، وحنّيت بصدق، واتعلقت بقلوب كنت فاكرها ح تكون أمان لقلبي، لكن حتى الحب مرات بجي ومعاه همو، والحنية مرات بتخلي الوجع أكبر… لأنك لما تحب زول من قلبك، بتتعب عشان خاطرو، وبتزعل لزعله، وبتخاف عليه من كل حاجة. يمكن ما كان عندي نصيب كبير من الراحة، لكن كان عندي قلب مليان حب… وقلب زي ده مهما اتعبتو الأيام، ما بعرف يقسو. عشان كده بقيت أضحك وأنا شايل هم، وأسكت وأنا جواي كلام كتير، وأقول "ما مشكلة" في حاجات كانت عاملة جواي ألف مشكلة. يمكن دي حكايتي… أحب، وأحن، وأشتاق… وفي النهاية أشيل كل الحاصل جواي وأسكت. يوم قسموك يا هم، كتبو عليك اسمي… ويمكن عشان كده بقيت أحن للحب، حتى وهو أكتر حاجة تعبت قلبي. #حديث_الصمت #خواطر_حزينة #كلام_من_القلب #عقول_راقية #اغاني

حديث الصمت 🕯️

Open In TikTok:

Region: SA

Saturday 12 September 2026 04:51:54 GMT