@kmahmood1441: سورہ آل عمران کی یہ آیات 121 سے 129 غزوہ اُحد کے بارے میں ہیں۔ بدر کے بعد مشرکین مکہ نے بدلہ لینے کے لیے 3000 کا لشکر لے کر مدینہ پر چڑھائی کی تھی، یہ واقعہ 3 ہجری 11 شوال بروز ہفتہ پیش آیا۔ آیات کا ترجمہ **وَاِذْ غَدَوْتَ مِنْ اَهْلِكَ تُبَوِّئُ الْمُؤْمِنِيْنَ مَقَاعِدَ لِلْقِتَالِ ۭ وَاللّٰهُ سَمِيْعٌ عَلِيْمٌ ** جب آپ صبح سویرے اپنے گھر سے نکل کر مومنین کو جنگ کے مورچوں پر بٹھا رہے تھے، اور اللہ سننے والا جاننے والا ہے۔[121] **اِذْ هَمَّتْ طَّاۗىِٕفَتٰنِ مِنْكُمْ اَنْ تَفْشَلَا ۙ وَاللّٰهُ وَلِيُّهُمَا ۭ وَعَلَي اللّٰهِ فَلْيَتَوَكَّلِ الْمُؤْمِنُوْنَ ** جب تم میں سے دو جماعتوں نے ہمت ہارنے کا ارادہ کیا حالانکہ اللہ ان کا مددگار تھا، اور مومنوں کو اللہ ہی پر بھروسہ کرنا چاہیے۔[122] **وَلَقَدْ نَصَرَكُمُ اللّٰهُ بِبَدْرٍ وَّاَنْتُمْ اَذِلَّةٌ ۚ فَاتَّقُوا اللّٰهَ لَعَلَّكُمْ تَشْكُرُوْنَ **[123] اور اللہ نے بدر میں تمہاری مدد کی جب تم بہت کمزور تھے، پس اللہ سے ڈرو تاکہ تم شکر کرو۔ **اِذْ تَقُوْلُ لِلْمُؤْمِنِيْنَ اَلَنْ يَّكْفِيَكُمْ اَنْ يُّمِدَّكُمْ رَبُّكُمْ بِثَلٰثَةِ اٰلَافٍ مِّنَ الْمَلٰۗىِٕكَةِ مُنْزَلِيْنَ بَلٰٓى ۙ اِنْ تَصْبِرُوْا وَتَتَّقُوْا وَيَاْتُوْكُمْ مِّنْ فَوْرِهِمْ هٰذَا يُمْدِدْكُمْ رَبُّكُمْ بِخَمْسَةِ اٰلَافٍ مِّنَ الْمَلٰۗىِٕكَةِ مُسَوِّمِيْنَ **[124][125] جب آپ مومنوں سے کہہ رہے تھے کیا تمہارے لیے کافی نہیں کہ تمہارا رب تین ہزار فرشتے نازل کر کے تمہاری مدد کرے؟ ہاں، اگر تم صبر کرو اور تقویٰ اختیار کرو اور کافر اسی دم تم پر حملہ آور ہو جائیں تو تمہارا رب پانچ ہزار نشان والے فرشتوں سے تمہاری مدد کرے گا۔ **وَمَا جَعَلَهُ اللّٰهُ اِلَّا بُشْرٰى لَكُمْ وَلِتَطْمَىِٕنَّ قُلُوْبُكُمْ بِهٖ ۭ وَمَا النَّصْرُ اِلَّا مِنْ عِنْدِ اللّٰهِ الْعَزِيْزِ الْحَكِيْمِ ** اور اللہ نے اس مدد کو تمہارے لیے صرف بشارت بنایا تاکہ تمہارے دل مطمئن ہو جائیں، اور مدد تو صرف اللہ عزیز و حکیم کی طرف سے ہے۔[126] **لِيَقْطَعَ طَرَفًا مِّنَ الَّذِيْنَ كَفَرُوْٓا اَوْ يَكْبِتَهُمْ فَيَنْقَلِبُوْا خَاۗىِٕبِيْنَ ** تاکہ کافروں کا ایک حصہ کاٹ دے یا انہیں ذلیل کر دے پھر وہ ناکام واپس لوٹ جائیں۔[127] **لَيْسَ لَكَ مِنَ الْاَمْرِ شَيْءٌ اَوْ يَتُوْبَ عَلَيْهِمْ اَوْ يُعَذِّبَهُمْ فَاِنَّهُمْ ظٰلِمُوْنَ وَلِلّٰهِ مَا فِي السَّمٰوٰتِ وَمَا فِي الْاَرْضِ ۚ يَغْفِرُ لِمَنْ يَّشَاۗءُ وَيُعَذِّبُ مَنْ يَّشَاۗءُ ۚ وَاللّٰهُ غَفُوْرٌ رَّحِيْمٌ ** اے نبی! اس معاملے میں آپ کو کچھ اختیار نہیں، اللہ چاہے تو ان کی توبہ قبول کرے یا عذاب دے کیونکہ وہ ظالم ہیں۔ اور آسمانوں و زمین میں جو کچھ ہے اللہ ہی کا ہے، وہ جسے چاہے بخشے جسے چاہے عذاب دے، اور اللہ بخشنے والا مہربان ہے۔[128][129] تفسیر ابن کثیر اور احسن البیان کی روشنی میں 1. آیت 121-122 کا پس منظر: نبی کریم صلی اللہ علیہ وسلم نے جمعہ کے بعد صحابہ سے مشورہ کیا۔ عبداللہ بن ابی منافق کا کہنا تھا مدینہ میں رہ کر دفاع کیا جائے، لیکن جوشیلے صحابہ جو بدر میں شریک نہ ہو سکے تھے انہوں نے باہر نکل کر لڑنے پر زور دیا۔ آپ صلی اللہ علیہ وسلم ہتھیار پہن کر نکلے تو ایک ہزار کا لشکر تھا۔ مقام شوط پر عبداللہ بن ابی 300 لوگوں کو لے کر واپس ہو گیا کہ لڑائی ہوگی ہی نہیں۔ آپ 700 صحابہ کے ساتھ احد پہنچے اور 50 تیر اندازوں کو پہاڑ پر حضرت عبداللہ بن جبیر رضی اللہ عنہ کی قیادت میں متعین کیا اور فرمایا چاہے ہم غالب آئیں یا مغلوب، تم اپنی جگہ نہ چھوڑنا۔ آیت 122 میں جن دو جماعتوں کا ذکر ہے وہ بنو سلمہ اور بنو حارثہ ہیں۔ حضرت جابر بن عبداللہ فرماتے ہیں یہ آیت ہمارے بارے میں نازل ہوئی، ہم نے کمزوری دکھائی تھی لیکن ہمیں یہ آیت بہت محبوب ہے کیونکہ اللہ نے فرمایا "وَاللّٰهُ وَلِيُّهُمَا" اللہ خود ان کا ولی ہے۔ 2. آیت 123 بدر کی یاد دہانی: اللہ فرماتا ہے تم احد کی فکر میں ہو، بدر کو یاد کرو۔ بدر میں تم 313 تھے، دو گھوڑے، ستر اونٹ اور نہتے، جبکہ دشمن 1000 مسلح تھا۔ پھر بھی اللہ نے تمہیں فتح دی۔ اس سے مقصد یہ بتانا ہے کہ نصرت تعداد اور اسلحہ سے نہیں، اللہ کی طرف سے آتی ہے۔ حضرت عمر فاروق رضی اللہ عنہ نے جنگ یرموک کے موقع پر یہی آیت لکھ کر بھیجی تھی کہ مدد اللہ سے مانگو، وہی ذات ہے جس نے بدر میں تم سے بھی کم لوگوں کی مدد کی تھی۔ 3. آیت 124-126 فرشتوں کی مدد: یہ وعدہ بدر کے لیے بھی تھا اور احد کے لیے بھی۔ اللہ نے پہلے 3000 فرشتوں کا وعدہ کیا، پھر فرمایا اگر تم صبر و تقویٰ پر قائم رہے اور دشمن اچانک حملہ کر دے تو 5000 نشان زدہ فرشتوں سے مدد آئے گی۔ لیکن آیت 126 میں اصل حقیقت واضح کر دی: **وَمَا النَّصْرُ اِلَّا مِنْ عِنْدِ اللّٰهِ**۔ فرشتوں کا آنا صرف تمہارے دلوں
