ကျောင်းထိုင် ဘုန်းကြီးချိုတီးကို ဖမ်းဆီးနိုင်ရန်အတွက် ဘုန်းကြီးကျောင်းတစ်ကျောင်းလုံးတွင် လျှို့ဝှက်ကင်မရာ အလုံးရေ ၆၀ ကျော်ကို တပ်ဆင်ခဲ့ကြသည်ဟု သိရှိရ။ ကျောင်းအတွင်းရှိ လှုပ်ရှားမှုများကို ရှုထောင့်အမျိုးမျိုးမှ ကြည်လင်ပြတ်သားစွာ မြင်တွေ့နိုင်ရန် ကင်မရာများကို တပ်ဆင်သူများက စနိုက်ပါသေနတ် ချိန်သကဲ့သို့ တိကျစွာ ချိန်ညှိတပ်ဆင်ခဲ့ပြီး၊ ထိုကင်မရာများကို စုံထောက်များနှင့် ရဲတပ်ဖွဲ့ဝင်များ စောင့်ကြည့်နိုင်သည့် TV မှန်သားပြင်များနှင့် တစ်ချိန်တည်း ချိတ်ဆက်ထားခဲ့ကြသည်ဟုဆို..။ ထို့နောက် ကျောင်းအတွင်း မည်သည့်နေရာတွင် မည်သို့သော လှုပ်ရှားမှုများ ဖြစ်ပေါ်နေသည်ကို စောင့်ကြည့်ရေးအဖွဲ့က အမှားမခံဘဲ အနီးကပ် စောင့်ကြည့်ခဲ့ကြပြီး၊ ကျောင်းအတွင်းရှိ လှုပ်ရှားမှုများသည် ရဲများ၏ စောင့်ကြည့်မှန်သားပြင်ပေါ်တွင်လည်း ထင်ရှားစွာ မြင်တွေ့နေရခဲ့သည်။ သို့သော် ကျောင်းထိုင် ချိုတီးသည် ကျောင်း၏ နေ့စဉ်တာဝန်များကို ထမ်းဆောင်နေစဉ်တွင် ကျောင်း၌ မူလတပ်ဆင်ထားသည့် CCTV ကင်မရာများကို သိရှိထားသဖြင့် အလွန်သတိထားနေထိုင်ခဲ့သည်။ ဘာလုပ်လုပ် အမှားမခံဘဲ ဟာကွက်မရှိအောင် သတိကြီးစွာ နေထိုင်ခဲ့ခြင်းဖြစ်သည်။ သို့သော် ချိုတီး သတိမထားမိခဲ့သည့်နေရာတစ်ခု ရှိနေခဲ့သည်။ ထိုနေရာမှာ ထမင်းစားခန်းပင် ဖြစ်သည်..။ နေ့စဉ်နှင့်အမျှ ထမင်းစားပွဲခုံပေါ်တွင် ဖုန်းတစ်လုံးနှင့် အလုပ်ရှုပ်နေတတ်သည့် ချိုတီးသည် အချိန်ကြာလာသည်နှင့်အမျှ ထိုနေရာကို အလွန်အကျွမ်းတဝင် ဖြစ်လာခဲ့သည်။ သို့သော် ချိုတီး သတိမထားမိခဲ့သည့် အချက်မှာ တခြားအချိန်များတွင် CCTV များကို အမြဲသတိထားကြည့်ရှုနေတတ်သော်လည်း ထမင်းစားချိန်တွင်တော့ CCTV များကို သတိမထားတော့ခြင်း ဖြစ်သည်။ ထိုအချက်ကို စောင့်ကြည့်နေသည့် ရဲတပ်ဖွဲ့က အခွင့်အရေးအဖြစ် အသုံးချခဲ့ကြသည်။ နောက်ဆုံးတွင် ရဲတပ်ဖွဲ့ဝင်များက ကျောင်းထဲသို့ ဝင်ရောက်လာပြီး ချိုတီးကို လာရောက်ဖမ်းဆီးချိန်တွင်လည်း ချိုတီးသည် ထမင်းစားနေသည့်အချိန်ဖြစ်သောကြောင့် CCTV များကို သတိမထားမိခဲ့ပေ။ ထို့ကြောင့် ရဲများ ရောက်ရှိလာသည်ကို ကြိုတင်သိရှိနိုင်ခြင်းမရှိဘဲ နောက်ဆုံးတွင် ချိုတီးသည် အဖမ်းခံလိုက်ရခြင်း ဖြစ်သည်.. ။ လူတစ်ယောက် ဘယ်လောက်ပဲ သတိကြီးကြီးထားပြီး မိမိလုပ်ရပ်တွေကို ဖုံးကွယ်ထားပါစေအုံး သေးငယ်တဲ့ ဟာကွက်တစ်ခုကပင် အမှန်တရားကို ဖော်ထုတ်နိုင်ပါတယ်..။ ဒါကြောင့် အမှားကို ဖုံးကွယ်ဖို့ထက် အမှန်တရားနဲ့ ရိုးသားစွာ နေထိုင်ခြင်းကသာ အကောင်းဆုံး ကာကွယ်မှုဖြစ်ပါတယ်ခင်ဗျာ။ - @poe.nantar.khine