Seenaa Obbo Kabbadaa Waaqoo Gababinaan👇 Qabsaa’aa fi buleessii Obbo Kabbadaa Waaqoo yaadataa Godina Wallagga bahaa aanaa Sibuu siree Ganda Damee ceekaa ti dhalatanii guddatan yeroo ammaa kana immoo sababa qabsoo Oromootiin qe’een isaanii irraa bittinnaa’ee ganda Qonnaan bulaa Jaarsoo Waamaa jedhamutti baqatanii qofaa isaanii jiraatu. Haalli Isaan itti jiran baay’ee nama gaddisiisa Obbo kabbadaan Godinaalee Oromiya hedduu wallagga arfan,iluu abbaa booraa hanga harargeetti deemuun midhaan burcuqoodhaan daldalaa(nagadaa) jireenya isaanii foyyefachaa turan:-bara 1984 irraa kaasanii garuu Sababa Oromummaa isaaniin shororkeessuummaan himatamanii arii’atamaa turan! Harargee irraa akkuma gara wallagga bahaatti deebi’aniin lafa qonnaa gaafachuu lafa fudhatanii qonna irratti hirmaachuun milkaa’anii jijjiramuun guddatanii abbaa qabeenyaa beekaamaa fi hiyyeessota hedduu jiraachisuun akkasuma namoota naannootiif hojii uumuun beekamaa dhufan akkasuma Isportii club ABDII BORII jedhamu hundeessuun barsiisaa turuun badhaasa gurguddaas fudhatanii beekamtiin kennameefii ture! Akkasuma hangafa qotee bulaa qotee bulaa adda duree ta’uu Sanyii midhaanii beekamaa har’a Godina Wallagga bahaa haga Horroo Guduruuti firii gaarii Kennaa jiru biyya galchuufi hawwasa Naannoo barsiisuu keessatti adda durummaan kan hirmaachaa tures Obbo Kabbadaa ture! Kanumaan magaalaa Adaamaatti leenjii Midhaan Sanyii filatamaa ta’anii leenji’anii osoo gara wallagga bahaatti deebi’anii bara 2008 Ambotti fincilli dhowee Isaan eege. Kanumaanis gootummaa uumata Amboo of keessatti lallabaa jaalalli uumata Amboo Onneetti isaanitti coba ta’ee gara Godina Wallagga bahaa sibuu sireetti deebi’anii osuma hojii isaani irratti babba’anii jiranii baruma sana 2008 bakka hojii isaanitti qabamuun naqamteetti hidhamanii Guyya lama fannisuun erga miidhaa ulfaataa irraan ga’anii hiriyyaan isaanii Barsiisaa Nagaasaa Qanaasaa Isaan biraa ajjeefamani.Achiis gara makilawitti geeffaman achittis erga yeroo muraasa hidhamanii gara Addisaabaa Policetti geeffamuun boolla keessatti hidhaman;-achittis yeroo muraasa erga hidhamanii himannan shororekeessummaa irratti banamuun himatamani gara qilinxootti dabarfaman Isaan gara qilinxoo geeffamanii guyyaa afur booda manni hidhaa qilinxoon ni gubate.Sana booda gara baatutti (Zuway)ti dabarsanii hidhan! Mana hidhaa baatuutti hidhani yeroo muraasa boodas kaatenaa of irraa baafte mana hidhaa cabsuuf jirta jedhanii caccabsanii akka hin taanetti miidhaa irraan ga’anii Gara qilinxootti deebisani waggaa lama ol hidhamnii booda osuma beellama dedebi’anii mootummaan jijjiramaa dhufee hiikaman gaafa Isaan hiikamanis uummanni Godina Wallagga Bahaa simannaa guddaa godheefi Isaan simatee ture Obbo kabbeen yeroo hidhamaa ture keessa hogan mana hidhaa saniin xamamaa Jaarsa wallaggaa jedhamanii arrabsamaa turan Obbo kabbeen qabsoo Oromoof gammoojjii Oromiya haga sudaanitti ifaajjii guddaa taasisaniiru;-bal’inaan Afaan isaanii irraa guyyaa muraasa booda akka dhageessan nan amana ulfaadhaa🙏 Sanyii Fufii Guraaraa✍️ - @sanyiifufiiguraaraa1