@altainews.kz: Nomad Álemi: Қасым Қайсенов елінде қазіргі көшпенділердің фестивалі өтуде Шығыс Қазақстанның Ұлан ауданындағы Қасым Қайсенов кентінде Ұлы даланың дәстүрі мен заманауи мәдениетті тоғыстырған Nomad Álemi фестивалі өтуде. Облыста алғаш рет ұйымдастырылған ауқымды шараға 5 мыңға жуық қонақ келеді деп күтілуде. Фестивальдің басты мақсаты – көшпенділер мұрасын өткеннің еншісіндегі құндылық ретінде ғана емес, бүгінгі қоғаммен бірге жаңғырып келе жатқан мәдени құбылыс ретінде таныстыру. Музыка, театр, ұлттық ойындар, қолөнер, гастрономия, заманауи өнер мен креативті индустрия бір алаңда тоғысты. Қонақтар ұлттық тағамдардан шеберлік сабақтарына қатысып, көне аңшылық өнері, түркі мәдениеті мен көшпенді өркениеттің мұрасы туралы дәрістер тыңдай алады. Фестивальде «Полигоналды Марал» арт-нысаны, балаларға арналған «Болашақ» кеңістігі және Nomad Talks алаңы жұмыс істеп жатыр. Ал сахнада Yenlik, Urker, Arshat, «Арқайым», «Тәңірі», «Алатау серілері», Steppe Sons, Dudeontheguitar және басқа да қазақстандық өнерпаздар өнер көрсетуде. Nomad Álemi-дің негізгі идеясы – дәстүрді музейдегі жәдігер емес, бүгінгі ұрпақтың қолында жаңғырып, жаңа сипат алып жатқан мәдени құндылық ретінде көрсету.

3207

2026-09-12 11:16:38

To see more videos from user @altainews.kz, please go to the Tikwm homepage.