#لە_ڕۆژێکی_وەک_ئەمڕۆدا 🔻لە ١١ی سێپتەمبەری ١٩٣١، داگیرکەری ئیتالی شێخی موجاهیدان #عومەر موختاری دەستگیرکرد، دوای ئەوەی لە نەبەردییەکدا لەگەڵ هێزەکانی داگیرکەر لە چیای سەوز (الجبل الأخضر) بریندار بوو. 🤔دیلکردنی دوای ساڵانێکی درێژ هات کە تێیدا ڕابەرایەتی بەرەنگاربوونەوەی #لیبیای دەکرد و بە پێداگری و چەسپاوییەوە ڕووبەڕووی هەڵمەتە سەربازییەکانی ئیتالیا بووەوە، سەرەڕای توندبوونی گەمارۆکان و باڵادەستی دوژمن لە چەک و کەرەستەی سەربازیدا. 🤔عومەر موختار تەنها سەركردەیەكی مەیدانی نەبوو، بەڵکو بووە سیمبولی بەرەنگاربوونەوەی داگیرکاری و نموونەیەک لە ئارامگری، چەسپاوی و خۆنەدان بە دەستەوە. 🤔 دوای دەستگیرکردنی، گوێزرایەوە بۆ بنغازی و ڕووبەڕووی دادگایەکی سەربازی کرایەوە کە بە بڕیاری لەسێدارەدان بە هەڵواسین لە ١٦ی سێپتەمبەری ١٩٣١ کۆتایی هات. 🤔پێش جێبەجێکردنی بڕیارەکەش، بە سەباتەوە مایەوە و لە هەڵوێستی خۆی پاشگەز نەبووەوە، تا ژیاننامەکەی ببێتە یەکێک لە دیارترین لاپەڕەکانی جیهادی لیبیا لە ڕووبەڕووبوونەوەی داگیرکاری #ئیتاڵی 🤔دوای دەیان ساڵ لە شەهیدبوونی، ناوی عومەر موختار لە یادەوەرییەکاندا بە زیندوویی مایەوە، وەک ڕابەرێک کە کۆکەرەوەی هێزی هەڵوێست، ئارامگری لەسەر بەڵا و سەبات بوو تا کۆتایی. لەو یادەشدا، ئەمڕۆ ژیاننامەکەی وەک دەرسێک لە بەرەنگاربوونەوەی داگیرکاری، ملکەچ نەبوون بۆ زوڵم و دەستگرتن بە حەقەوە -هەرچەندە قوربانیدانەکان قورس بن- دەهێنرێتەوە یاد. ▪️ جەنگی ڕاگەیاندن: تێلیگرام | ئینفۆگرافیک | ئێکس | یوتیوب | ئینستاگرام