"የትኛውም ጦርነት ሳያስቆመን አራት ኪሎን እንቆጣጠራለን›› - ጀነራል ፍስሃ ማንጁስ #gedeo_jabati~የህዝባዊ ወያኔ ሓርነት ትግራይ (ህወሓት) ከፍተኛ ወታደራዊ አዛዥ ጀነራል ፍስሃ ማንጁስ፤ የፌዴራል መንግስቱ እያደረገ ነው ያሉትን ወታደራዊ ትንኮሳና የድሮን ጥቃት በስልታዊ ትዕግስት በማለፍ፣ ኃይላቸው ወደ አራት ኪሎ የሚያደርገውን ግስጋሴ እውን ለማድረግ ሁለንተናዊ የጦርነት ዝግጅቶችን እያጠናቀቀ መሆኑን አስታወቁ። የህወሃት አዛዡ በሰጡት መግለጫ እንዳስታወቁት፣ በፌዴራል መንግስቱ በኩል የሚሰነዘሩ ተደጋጋሚ ትንኮሳዎችን ኃይላቸው በትዕግስት እየተመለከተ ያለው ለጊዜው ወታደራዊ አቋሙን የማስተካከል ስራ ላይ ትኩረት በማድረጉ ነው። አያይዘውም የፌዴራል መንግስቱ የሚጠቀምበት የትኛውም ዓይነት ዘመናዊ የጦር መሣሪያም ሆነ የድሮን ቴክኖሎጂ የኃይላቸውን ግስጋሴ ሊገታው እንደማይችል በመግለጽ፣ የጦርነቱ የመጨረሻ ግብ አራት ኪሎን መቆጣጠር መሆኑን አረጋግጠዋል። አሁን ላይ እየተደረገ ያለው ትግል የህልውና ጉዳይ በመሆኑ፣ ይህንን ወሳኝ ጦርነት በአሸናፊነት ለመወጣት የሚያስችሉ የሎጀስቲክስ፣ የሰው ኃይል አደረጃጀት እና የውጊያ ስልት ዝግጅቶችን በጥንቃቄ እያስተካከሉ እንደሚገኙ አዛዡ አመላክተዋል። ይህ የጀነራል ፍስሃ ማንጁስ ንግግር የሚያሳየው የህወሓት ኃይሎች እየተካሄደ ባለው ግጭት የመከላከል አቋም ላይ ብቻ ሳይወሰኑ፣ ጊዜውን የጠበቀና መጠነ-ሰፊ የማጥቃት ዘመቻ ለመክፈት የመጨረሻ የዝግጅት ምዕራፍ ላይ መድረሳቸውን ነው። በመጨረሻም "ሁሉም ነገር እንዳለቀ የሚሆነውን እናያለን" በማለት፣ ኃይላቸው ሙሉ ወታደራዊ ቁመናውን አጠናቆ የማጥቃት ትዕዛዝ በሚሰጥበት ጊዜ የማያዳግም እርምጃ እንደሚወስድ እና ጦርነቱም በማያሻማ ድል እንደሚጠናቀቅ ያላቸውን ፍጹም ወታደራዊ እርግጠኝነት አብራርተዋል። - @gedeo.jabati