@yawnethankmk: အဝိဂတပစ္စယော အဝိဂတပစ္စယောဆိုတာ ပစ္စယတရားသည် မကွယ်ပျောက်သေးသော၊ မကင်းကွာသေးသော၊ မချုပ်သေးသောသတ္တိဖြင့် ပစ္စယုပ္ပန်တရားအား ထောက်ပံ့ ခြင်းပါ။ အတ္ထိပစ္စယနဲ့ နယ်ပယ်တူပေမယ့် အတ္ထိက “ရှိနေခြင်း” ကို အလေး ပေးပြီး အဝိဂတက “မကွယ်ပျောက်သေးခြင်း” ကို အလေးပေးပါတယ်။ ဒီပစ္စယက ဉာဏတို့ကို နာမ်ရုပ်တရားများဟာ တစ်ခုတည်းသော အတ္တ တစ်ခုအဖြစ် မရပ်တည်ဘဲ အပြန်အလှန်မှီခို၊ မကွယ်ပျောက်သေးခင် ထောက်ပံ့နေ ကြတဲ့ ဖြစ်စဉ်များသာဖြစ်ကြောင်း ပြသပါတယ်။ စိတ်နဲ့ စေတသိက်တို့ အချင်း ချင်း ထောက်ပံ့ကြတယ်။ မဟာဘူတတို့ အချင်းချင်း ထောက်ပံ့ကြတယ်။ နာမ်နဲ့ရုပ်တို့ အချို့အခြေအနေမှာ အချင်းချင်း ထောက်ပံ့ကြတယ်။ အာဟာရ၊ ရုပ် ဇီဝိတိန္ဒြေ၊ ရှေ့ဖြစ်ရုပ်၊ နောက်ဖြစ်နာမ် စတဲ့ ပစ္စယများစွာက မကွယ်ပျောက် သေးခင် တရားတစ်ပါးတစ်ပါးကို ထောက်ပံ့နေကြပါတယ်။ အဝိဂတပစ္စယဟာ ပဋ္ဌာန်း ၂၄ ပစ္စည်းရဲ့ နောက်ဆုံးမှာ ရပ်နေပေမယ့် အဆုံးသတ်အဖြစ်သာ မဟုတ်ပါဘူး။ နာမ်ရုပ် လောကကြီးကို ပြန်ကြည့်ဖို့ တံခါးတစ်ချပ်လည်း ဖြစ်ပါတယ်။ အရာရာဟာ မကွယ်ပျောက်သေးခင် ခဏ လေးအတွင်းမှာ တစ်ခုနဲ့တစ်ခု ထောက်ပံ့နေကြတယ်။ ထောက်ပံ့နေသမျှ တည် တယ်။ ကွယ်ပျောက်သွားတဲ့အခါ ပြောင်းလဲတယ်။ ချုပ်တယ်။ ဉာဏတို့ဘဝလည်း ဒီလိုပါပဲ။ အမြဲတမ်းပိုင်ဆိုင်ထားတဲ့အရာ မရှိပါဘူး။ မကင်းကွာသေးတဲ့အရာတွေ ရှိနေတဲ့ ခဏလေးမှာ ကိုယ်က ဘာကို သတိရမလဲ၊ ဘာကို တန်ဖိုးထားမလဲ၊ ဘာကို ပြင်မလဲ၊ ဘယ်ကောင်းမှုကို ပျိုးမလဲဆိုတာက အရေးကြီးပါတယ်။ မကွယ်ပျောက်သေးခင် ထောက်ပံ့နေတဲ့အရာတွေကို မြင်နိုင်ကြပါစေ။ မကင်းကွာသေးခင် တန်ဖိုးထားနိုင်ကြပါစေ။ မချုပ်သေးခင် သတိနဲ့ ကုသိုလ်ကို ပျိုးထောင်နိုင်ကြပါစေ။ #နေ့စဉ်ဘဝထဲကပဌာန်း #ဉာဏ #ပဌာန်းတရားတော် #yawnethankmk #ရောက်ချင်တဲ့နေရာရောက်👌

288

2026-09-13 01:07:20

To see more videos from user @yawnethankmk, please go to the Tikwm homepage.