️ خمس سنين عدوا بلمح البصر وكبرتي قدام عيني وبقيتي كل يوم حتة أكبر من قلبي النهاردة في عيد ميلادك أوعدك يا بنتي إني أفضل طول عمري سندك وحمايتك وأمانك وأهم حاجة قبل ما أكون مامتك هحاول أكون صاحبتك صاحبتك بجد أمينة أسرارك والحد اللي تحكي له من غير خوف ولا تردد هسمعك وأفهمك وأعلمك الصح من الغلط من غير ما أخليكي تخافي مني أو تخبي عني أوعدك إني بعد ربنا هعمل كل اللي أقدر عليه عشان أوصلك لبر الأمان وبر النجاح هعلمك تتوكلي على ربنا وتثقي في نفسك وتعرفي قيمة نفسك كويس وهفضل أحاول بكل طاقتي أخليكي من أحسن البنات في تعليمك وأخلاقك وحياتك مش عشان تكوني أحسن من حد لكن عشان تكوني أحسن نسخة من نفسك وأنا وبابا هنفضل وراكي وسند ليكي في كل خطوة نجاحك هنفرح بيه وتعبك هنشيله معاكي وغلطك هنساعدك تتعلمي منه وأكبر أمنية عندي لما تكبري وتبصي لورا تقولي من قلبك الحمد لله إن دول كانوا ماما وبابا الحمد لله إنهم كانوا سندي وأماني وصحابي قبل أي حاجة يارب أكون الأم اللي تستاهليها ويارب أنا وبابا نعرف نربيكي التربية اللي ترضيك عننا وترضي ربنا عننا ويحفظك لينا ويبارك في عمرك وقلبك وعقلك ويكتبلك أجمل نصيب في الدنيا كلها واللي يعدي من هنا يدعي لبنتي دعوة حلوة من قلبه يمكن دعوة حد فيكم تكون مستجابة وتفضل معاها العمر كله ويعايدها علي عامها الجديد 13/9/2021#قلب_الأم - @alb_al_om