یہ وہ نسبت ہے جو ٹوٹی ہے نہ ٹوٹے گی کبهی میں تیرا خاک نشیں تو میرا سلطاں جاناں ہم سا بھی ہوگا جہاں میں کوئی ناداں جاناں بے رُخی کو بھی جو سمجھے ترا احساں جاناں جب بھی کرتی ہے مرے دل کو پریشاں دُنیا یاد آتی ہے تری زُلفِ پریشاں جاناں میں تری پہلی نظر کو نہیں بھولا اب تک آج بھی دل میں ہے پیوست وہ پیکاں جاناں ہمسُخَن ہو کبھی آئنیے سے باہر آ کر اے مری روح ! مرے عکسِ گریزاں جاناں دشتِ گلرنگ ہے کس آبلہ پا کے خوں سے کر گیا کون بیاباں کو گلستاں جاناں مجھ سے باندھے تھے بنا کر جو ستاروں کو گواہ کر دئیے تُو نے فراموش وہ پیماں جاناں کبھی آتے ہوئے دیکھوں تجھے اپنے گھر میں کاش پورا ہو مرے دل کا یہ ارماں جاناں اک مسافر کو ترے شہر میں موت آئی ہے شہر سے دور نہیں گورِ غریباں جاناں یہ ترا حُسن ، یہ کافر سی ادائیں تیری کون رہ سکتا ہے ایسے میں مسلماں جاناں کیوں تجھے ٹوٹ کے چاہے نہ خُدائی ساری کون ہے تیرے سوا یوسفِ دوراں جاناں نغمہ و شعر مرے ذوق کا حصّہ تو نہ تھے تیری آنکھوں نے بنایا ہے غزلخواں جاناں جاں بہ لب، خاک بسر،آہ بہ دل خانہ بدوش مجھ سا بھی کوئی نہ ہو بے سرو ساماں جاناں یہ تو پوچھ اس سے کہ جس پر یہ بلا گُزری ہے کیا خبر تجھ کو کہ کیا ہے شبِ ہجراں جاناں وہ تو اک نام تمہارا تھا کہ آڑے آیا ورنہ دھر لیتی مجھے گردشِ دوراں جاناں یہ وہ نسبت ہے جو ٹوٹی ہے نہ ٹوٹے گی کبھی میں ترا خاکِ نشیں تو میرا سلطاں جاناں کیا تماشہ ہو کہ خاموش کھڑی ہو دنیا میں چلوں حشر میں کہتے ہوا جاناں جاناں در پہ حاضر ہے ترے آج نصیرِؔ عاصی تیرا مجرم، ترا شرمندہِ احساں جاناں پیر نصیر الدین نصیرؔ دعا گو #sufi #sahibzadaasimmaharvi #travels #dervaish #poetry - @sahibzada_asim_maharvi