@useraeov3u2dm8: لــــي أخي الدوكالي عبدالقادرأبوستة 🤍🕊️ مش كل أخ يكون مجرد أخ… فيه أخ يكون سند، وأمان، وظهر ما يميلش ❤️🥹 أخي… من بعد وفاة أبوي، حسّيت إن جزء كبير من الأمان اللي فقدناه، ربي عوّضنا عليه بوجودك بيناتنا. كنت وما زلت واقف معايا، داعم لمشروعي، ومرافقني في سفري وشغلي، وتفرح لنجاحي كأنه نجاحك أنت. ❤️ وفي وقت الشدة، لما الدنيا تضيق، نلقاك أول واحد واقف معايا ومدافع عليّ، حتى من غير ما نطلب منك. وحنّيتك مش بس معايا، حتى مع خواتي… حريص علينا، خايف علينا، وقلبك علينا أكبر من الكلام. يمكن مرات ما نقولهاش، لكن نبيك تعرف إن مكانتك في قلبي كبيرة هلبا… أنت مش بس أخوي، أنت قطعة من قلبي، وسندي بعد أبوي. ربي يحفظك لينا ويطوّل في عمرك، ويقدرني نردلك ولو جزء بسيط من وقفتك معايا. 🤍🫂 ربي يرحم أبوي، ويخلي لنا بعضنا، وما يحرمنيش منكم أبدًا. ❤