@hekayat_sty: دا كان يومي البسيط زمان… 🥹❤️ كان كل همّي جدول الضرب، وحصّة الإملاء، وواجب المدرسة… وتسريحة الصبح وأنا واقفة قدام ماما أقول لها: «ماما متشديش شعري أوي» 😂❤️ وماما من كتر خوفها عليّا، تفضل تقولي: «غطي رقبتك يا حبيبتي… وخلي بالك من الهوا، متقفليش من البرد» وأنا وقتها كنت بزهق من كلامها… ومكنتش عارفة إن كل كلمة كانت طالعة من خوف وحب كبير. 🥹 وبعدها بابا حبيبي ياخدني المدرسة قبل ما يروح شغله… كنت فاكرة إن كل ده عادي، وإن كل يوم هييجي زيه. محدش قال لنا إن الأيام الحلوة لما بتعدّي… بتتحول لأغلى ذكريات. 💔 ياريت الأيام دي ترجع تاني… ياريت يوم واحد بس يرجع، أعيش فيه نفس الصبح، أسمع صوت ماما وهي بتسرح شعري، وأمشي جنب بابا وهو بيوصلني المدرسة… نفسي أقعد معاه بس… ولو ثواني. أبص في وشه، وأمسك إيده، وأقوله: وحشتني يا بابا… وحشتني أوي. 💔 يا ريتنا كنا نعرف وقتها إن أبسط أيامنا… كانت أجمل أيام عمرنا. ❤️ #حكايات_ستي #نوستالجيا #ذكريات_زمان #أيام_الطفولة #ذكريات_المدرسة