@xyow_2: කිසිවෙකුගේ හිතක් රිදවීමට මගේ වචනයක්වත් හේතුවක් නොවෙම්වා… මගේ නිහඬකමකින්වත් කෙනෙකුගේ හිතට බරක් නොවෙම්වා… කාට හෝ පවක් කිරීමට මගේ අතින් අත්වැරදීමක් හෝ නොවෙම්වා… හිතාමතා නොවුණත්, මගේ ක්‍රියාවකින් කෙනෙකුගේ ඇස්වල කඳුළක් උපදින්නට නොවෙම්වා… පෙනෙන නොපෙනෙන සියලු සත්ත්වයන්ට මගෙන් වරදක් නොවෙම්වා… මගේ ගමනේදී මට හමුවන හැම හිතකටම අඩුම තරමේ සැනසීමක්වත් වෙන්නට හැකි වේවා… මොකද… මමත් දන්නවා හිතක් රිදුණාම ඒ වේදනාව පිටින් පේන්නේ නැති බව… සිනහවක් දාගෙන හිටියත් ඇතුළෙන් කෙනෙක් කොච්චර නිහඬව කැඩෙනවද කියලා… ඒ නිසා මගේ හිතේ එකම පැතුමක් තියෙනවා… මගේ නිසා කෙනෙකුට නින්ද නැති රැයක් නොලැබේවා… මගේ නිසා කෙනෙකුගේ ඇස්වල කඳුළු නොපිරේවා… මගේ නිසා කෙනෙකුට මිනිස්සු ගැන තිබුණු විශ්වාසය නැති නොවේවා… මමත් වැරදි කරන මනුස්සයෙක්… සමහරවිට නොදැනුවත්ව කෙනෙකුගේ හිතක් රිදවලා ඇති… කෙනෙකුගේ සතුටකට මගේ වචනයක් බරක් වෙලා ඇති… ඒ හැම වරදකටම හදවතින්ම සමාව ඉල්ලනවා… මා කළ ඇති පොඩිම පොඩි පිනක් හෝ වේ නම්… ඒ පිනේ බලයෙන් මගේ හිතේ තියෙන මේ නොකියන බර ටිකක්වත් සැහැල්ලු වේවා… අතීතයේ මතකවලින් හිත තවමත් බර නම්… අහිමිවීම්වල වේදනාවෙන් හදවත තවමත් නිහඬ නම්… මටත් නොදැනී වැටෙන මේ කඳුළු වලට කවදාහරි සැනසීමක් ලැබේවා… කිසිවෙකුට වෛරයක් නැතුව, කාටවත් දුකක් නොදී, කෙනෙකුගේ ජීවිතයට හේතුවක් නොවී… පුළුවන් තරම් හොඳ මිනිසෙකු වෙලා මේ ජීවිතය අවසන් කරන්න මට හැකි වේවා… මගේ හිතේ තියෙන සියලු දුක් නිවී, සියලු සිත් සැනසේවා… මගෙන් සිදුවූ සියලු වරදකට සමාව ලැබේවා… ❤️‍🩹✨🙏 #popular #xyow_2 #fypage