@kjoonka63: حيجي الوقت المناسب وربنا حيعوضك عن كل الخسارات الخسرتها في حياتك .. ■حيجي يوم وتلقى نفسك في المكان البيشبهك .. ■ في الوظيفة البتليق بيك .. ■ في العلاقة البترفع من شأنك وتخليك مبسوط ورايق. زمان كنت بزعل شديد لما اخسر حاجة بحبها وقلبي متعلق بيها .. كنت بقول ليه أنا بيحصل معاي كدا وأنا العمري ما أذيت زول ولا قسيت على زول !! مع مرور الأيام اكتشفت إنه ربنا كان رحيم بي شديد في الوقت الخسرت فيهو الحاجة دي ! ربنا كان شايف كمية الضرر والأذى الكنت حإتعرض ليه لو كانت الحاجة المعينة دي لسه في حياتي !! فكان لازم اخسر عشان ما إتأذي .. حالياً بقيت واثق ومتيقن إنه كل شيء بيحصل معاي وراه سر عظيم .. حتى لو فترة إكتشافه طالت مصيرو يجي يوم وأعرف. ولطف ربنا ورحمته ما زالوا محاوطيني ! كل الخسارات الخسرتها .. المواقف القاسية الإتعرضت ليها .. العلاقات الما إكتملت .. الأصحاب الضاعوا مني في نص الطريق .. كل الحاجات دي خلتني اكتشف إنه ما كانت بتشبهني وما لي فيها نصيب. حالياً أنا راجية عوض ربنا .. والراجي ربنا يخواني ما بندم !)) حيجي يوم والفرح يزور قلوبنا .. والفرحة تبقى لينا عنوان ♡