@faiza_alkhatib: مندي على طريقتي 🤤🔥 المقادير: 🍚 5 أكواب رز (حوالي 1 كيلو)، مغسول فقط بدون نقع 🍗 2 كيلو دجاج (فروج أو أفخاذ حسب الرغبة) 🥣 مرق دجاج أو ماء 🧅 1 بصلة متوسطة مفرومة ناعم 🫗 نصف كاسة شاي زيت نباتي أو 3 ملاعق كبيرة سمنة • ملح حسب الحاجة • 1 ملعقة صغيرة فلفل أسود • 1 ملعقة صغيرة فلفل أحمر • 1 ملعقة صغيرة هال مطحون • 1 ملعقة صغيرة بهارات مندي إذا متوفرة • مكعبين ماجي أو ملعقة كبيرة بودرة ماجي لتعزيز النكهة المطيبات: • 4–5 ورقات غار • 8 حبات هال • 6 حبات قرنفل • 1 ملعقة صغيرة فلفل أسود حب الطريقة 🍚 منحمص البصلة بالزيت أو السمنة، ومنضيف المطيبات ومنحمصهم شوي معها. منضيف الماء أو مرق الدجاج ومنتركه يغلي. لكل كاسة رز منحط كاسة ونص ماء أو مرق دجاج بنفس كاسة القياس. وإذا استخدمنا الماء، ممكن نضيف مكعبين ماجي أو ملعقة كبيرة بودرة ماجي لتعزيز النكهة. منضيف الملح والفلفل الأسود والفلفل الأحمر والهال المطحون، وبهارات المندي إذا متوفرة. وإذا استخدمنا الماجي مننتبه لكمية الملح. الرز بغسله فقط وما بنقعه، وأول ما تغلي المرقة منضيفه مباشرة. لما تنشف المي تقريبًا، منحرك الرز شوي، ومنوطي النار ومنغطيه لحتى يستوي. وقت الاستواء بيختلف حسب نوع الرز. بالآخر منحط شوي ملون طعام على الوجه. الدجاج 🍗 استخدمت تقريبًا 2 كيلو دجاج، ما سلقته؛ تبلته وحطيته مباشرة بالفرن لحتى استوى وتحمر 🔥 طريقة الدجاج والتتبيلة بالتفصيل هون 👇 https://www.instagram.com/reel/DYkdHa2sh3I/?stkn=OTV0MjU2aGk3MWgx نكهة الفحم 🔥 بالآخر منحط قطعتين فحم مولعين بوسط الرز، ومنضيف عليهم شوي زيت أو سمنة ومنغطي الطنجرة 10–15 دقيقة لحتى ياخد الرز نكهة الفحم. للتزيين ✨ لوز محمص + زبيب مع بصل. منحمص بصلة مفرومة ناعم بشوي زيت نباتي، ومنضيف الزبيب ومنحمصهم سوا، ومنحمص اللوز وبنزين فيهم المندي. وبس 🤤🔥 مندي سهل وطيب على طريقتي، وصحتين وهنا ❤️ #اكلة_من_القلب #مندي #مندي_دجاج#fypシ゚

أكلة من القلب👩🏻‍🍳🤍

Open In TikTok:

Region: DE

Sunday 13 September 2026 11:59:17 GMT