@za33g: فتحت خط وكلت الوو خالي واتجمدت بمكاني بصدمـه من گال " ملهم " بصوته الخشن "السلام عليكم" كتله وعليكم السلام ! كتله واني متفاجئه بأتصاله ملهـم ؟ كال اي بويـه.. شلونج كتله منين جبت رقمي ؟ گال اخذت رقمج من علي ردت ابلغج بموعد الجلسه اليوم كتله هااا ياجلسه كال برائيج ياجلسه ! كتله مادري ؟ كال بحديه ميسس ! اخذت نفس وهدئت وكتله اول بدايـه شكرا ع هديتك كولش لطيفه گال المهم والاهـم عجبتج ..كتله عرفت نقطه ضعفي الماروني وحبيتها گال جا بالعافيه كتله ملهـم ! گال هـاا بابـه ! كتله اني بس فحصت فـ ما راح اجي للجلسـه گال بصوت رجولي وجاد " ميس اني جاي افهمج بصفتي دكتورج سنج اذا يبقه يتأزم وشفت علي الي كاتبلج الموعد وردت ابلغج فكري واهلا وسهلا بيج " كتله وبيك اكثرر وسكتت گال جـا في امان الله كتله بالسلامه وسديت الخط لان مستحيل اروح انجب وابقه ومن الاصل عندي شغل فـ رفعت راسي شفته هز راسـه بقله حيله وطب للمجمع ... بعد مرور اسبوع ... شمـس : احمد شالع گلبي يتگلب ع ورده واني لازمته گوه فـ بليل اجاني وگال شموس صار فوك 10 ايام اشوف ستورياتهه كتله يي بعد لتشوفهـن واكطع كال لااا يمعوده والله اشتاق الها لان تنشر نص عينها لو ايدهاا واني اضل صافن عليهن انوب حتئ ذني تحرميني منهن الله واكبرررررر كتله وجع حتئ وجع غير علمودك لان اذا تدخل الها هسه تكول ابو بنات اذا هيه تدخل تسئل عليك بالبدايه متفكر بعد هيج انت وراها من تسئل عليك ضل انت بادر وانت راسلهه وانت اسئل لان انت الرجال گال هااا هيج قصدج كتله ولطمااا طبعاا هيج بس هيه لان بعيده ومو گرايبنه لازم هيه بالبدايه حتئ متكول ملطلط وطبلي خاص اتربع وكعد بالكاع وكال يلا اتحمل امري ل الله كتله تمام كال شميسه عود صدك راح اكطع كتله ياااا 😂شجاك ..... اسراء : دانتضر بكرار لان دزيته يجيبلي تفاح مدري ليش اشتهيته فـ من الملل كمت اشسور بشعري ولبست دشداشـه قصيره واخذتلي كم صوره بهل اثناء طب كرار وبيده ماعون سوده عليه غاسل التفاح ومخلي بماعون وجايب سجينه كتله يااا ليش تعبت نفسك يگلبي جان اني ...بعددني ممكملـه گال " والله متندم شلون انتي بنت عمي وما من زمان ماخذج " وعيونه تباوعلي بأعجاب ابتسمت بخجل واخذت الماعون من ايده هستوني انداريت ماا احس الا ايده حاوطت خصري وگال هم علي يشوفنه شني ؟ ضحكت وكتله كله بسببك ذاك اليوم ضحك وگال جاا حضي انوب اني علي احترمه واعزه وانحرجت كدامه بس يلا حلالي ومريتيي ضربته بخفه ع صدره وكتله بس اني متت خجل ماا حسيت الااا اتقرب باسني بخددي وگال " ليش اني ياهوو جاب راسي غيرر خجلج هذااا " هستوني دامشي وماحسيت الااا نفسي گلبت بسرعه خليت ايدي ع حلگه وانطيته الماعوون باوعلي بخـوف وقلق بسررعه رحت للحمام اتقيئ واحس روحي راحت مدري ليش اتيقئت وحسيت ايدد خشنه طخت بشرتي ولمت شعرري ابتسمت بعزز تعبي من شفته كرارر والخوف والقلق بوجهه فتح المي البارد وغسل وجهي وذب ع رگبتي گال هااا يروحي ! گلبي كليلي شبيج ! كتله بتعب مدري بس نفسي گلبت كلش من وحددي يباوعلي وعيونه بيهن حنيه العالم لزم ايدي والايد الثانيه ع خصري وكال تعالي يبويه كعدني ع الجربايه ومسح وجهي بالخاولي وكعـد وراي يضفر بشعري وگال خل المه الج متت بأهتمامه وبخوفه وصراحه اول مره اشوفه هيج حاير بيه كال بهمس يم اذني " بويـه مو تضحكين ع ضفيرتي تراها ع گد الحال انداريت وباوعتله بحب وكتلـه كـرار ! گال روحـه كتله اااحبـكك صفن بعيوني صفنه طويله وگال حرت ابووسج لوو اضفرلجج يالكاظم ! ضحكت بصووت وو....

آلِــ عِــنِـــود 🎀

Open In TikTok:

Region: IQ

Sunday 13 September 2026 12:26:35 GMT