@voice_of_quetta804: کوئٹہ میں چوری اور ڈکیتی کا رجحان اس حد تک بڑھ چکا ہے کہ اب لوگ پکنک کے لیے بھی محفوظ محسوس نہیں کرتے۔ پولیس کے مطابق تھانہ شالکوٹ کی حدود میں سجاول آباد ڈیم، مغربی بائی پاس کے قریب پہاڑی علاقے میں پکنک منانے والے نوجوانوں سے مبینہ لوٹ مار کی کوشش کی گئی۔ مزاحمت اور ہاتھا پائی کے دوران رضا خان شدید زخمی ہوئے، جو بعدازاں جانبر نہ ہو سکے۔ ملزمان مبینہ طور پر موبائل فون اور 19 ہزار روپے نقدی چھین کر فرار ہو گئے۔ پولیس نے واقعے کی تحقیقات اور ملزمان کی تلاش شروع کر دی ہے۔