نهاية وبداية عنوان الحلقة 12 مش مجرد اسم، هو بيوصف حياة شخصين. نهاية حياة أولديوس: روديوس المستقبلي عاش سنين طويلة وهو شايل الندم والألم، بعد ما خسر كل الناس اللي بيحبهم، وشاف بنفسه النتيجة الكارثية للقرارات اللي أخدها. وبعد كل السنين دي، رجوعه للماضي، وتسليمه المذكرات، وتحذيره لروديوس الشاب، كانوا آخر مهمة ليه. وبمجرد ما نقل كل اللي يعرفه، انتهت رحلته. وبداية حياة مختلفة: في نفس اللحظة اللي انتهت فيها حياة أولديوس، بدأت حياة روديوس الشاب تاخد مسار مختلف. المعلومات اللي وصلته هتخليه يتعامل مع هيتوغامي والأحداث اللي جاية بشكل مختلف، والقرارات اللي هياخدها من هنا هتغير مستقبله عن المستقبل اللي عاشه أولديوس. وعلشان كده، عنوان الحلقة «نهاية وبداية» مكنش مجرد عنوان مناسب للحلقة لأ، هو كان وصف دقيق جدًا لحياتين: حياة كانت، وحياة لسه هتبدأ. نهاية روديوس اللي عاش المأساة، وبداية روديوس اللي أُتيحت له فرصة يغيّره. #موشوكو_تينسي #DarkRudeus #RudeusGreyrat #AnimeArabic #MushokuTensei - @mushokunolaplace