@faisalfafa05: مرة قريت اقتباس... وحسيت في جملة كدا لامست حتة فيني. "لا شيء يحل محل شيء، كل من يمضي يأخذ مكانه معه، وكل من يأتي يبني مكانه بنفسه." في البداية افتكرتو بيتكلم عن الأشخاص بس... لكن كل ما فكرت فيه أكتر، حسيت إنو بيتكلم عن الحياة كلها. نحنا مرات بنفتكر إنو أي حاجة بتروح، لازم يجي مكانها حاجة تانية. لكن الحقيقة ما كدا. في مراحل بنعيشها مرة واحدة، في أماكن بتسكن جوانا بطريقتها، في فرص، في لحظات، وفي حتى نسخ من نفسنا... لمن تمشي، ما بترجع تاني. وده ما معناه إنو الحياة بتقف... بالعكس، الحياة بتكمل. لكن ما بتعوضنا بنفس الحاجة، بتورينا حاجة مختلفة، وتخلق لينا أثر جديد. يمكن أكبر غلط بنعملو إننا نقارن الجديد بالقديم، ونفتش عن نفس الإحساس، ونفس التفاصيل... مع إنو ربنا ما خلق الحياة عشان تكرر نفسها، خلقها عشان كل مرحلة يكون عندها معناها وأثرها. يمكن عشان كدا... لا شيء يحل محل شيء. لأن قيمة الأشياء ما في إنو نلقى بديل ليها... قيمة الأشياء في الأثر البتسيبو جوانا، والأثر ده ما بيتكرر. 🤍🌿 #خواطر #خواطر_للعقول_الراقية #fypシ゚viral #سودانيز_تيك_توك_مشاهير_السودان💜🇸🇩💜

فا~فا 🥀

Open In TikTok:

Region: EG

Sunday 13 September 2026 20:26:41 GMT