«چەندە بێڕەحمانەیە ئەو ڕستەیەی کە دەڵێت: "ئەشق بە نەگەیشتنەوە جوانە." ئاخر کەی جوانە ئێمە هەرگیز بەیەک نەگەین، ئازیزم؟ کەی جوانە کە من و تۆ بڕیار بێت تا ئاخری تەمەن تەنیا لەناو وێنەکان، لەناو خەیاڵەکان، و لەناو ئەو دێڕانەدا بەیەک بگەین کە بە شەودا بە چاوی پڕ لە فرمێسکەوە دەیاننووسین؟ کەسێک کە ئەم ڕستەیەی داهێناوە، حەتمەن هەرگیز تامی ئەو سووتانەی نەکردووە کە هەموو شەوێک سەرت بخەیتە سەر سەرینێک و بزانیت ئەو دەستەی کە ئارامیت پێ دەبەخشێت، هەزاران فرسەخ لە تۆوە دوورە. کەی جوانە کە من نەتوانم لە نزیکەوە لە چاوەکانت بڕوانم، کاتێک ماندوویت شانی خۆمت پێ بدەم، یان کاتێک پێدەکەنیت، دەنگت بەبێ هەڵسوڕانی هیچ شەپۆلێکی تەلەفۆن ڕاستەوخۆ بگاتە گوێم؟ چ جۆرە جوانییەک لەوەدا هەیە کە ئێمە دوو ڕۆحی بەستراو بوین بە یەکەوە، بەڵام جەستەمان، چارەنووسمان، و ئەم دونیایە، بڕیاری جیاکردنەوەمان بدات؟ دەڵێن نەگەیشتن ئەشق دەکاتە ئەفسانە، بەڵام من ئەفسانەبوونم ناویەت؛ من تۆم دەوێت لە واقیعدا، لە بەیانییانێکدا کە چاوم دەکەیتەوە و یەکەم جیاوازیی ژیانم دیداری تۆ بێت. من تەواوی ئەو ئەفسانە و شیعر و پەڕتووکانەی دونیام بەخشیوە بەوانەی حەزیان لە چیرۆکی خەمناکە، بە مەرجێک تەنیا یەک سات لە دەستەکانی تۆدا ئارام بگرم. نەگەیشتن جوانی نییە، ئازیزم... نەگەیشتن برینێکی قووڵە کە بە تێپەڕبوونی کات سارێژ نابێت، بەڵکو تەنیا فێر دەبیت چۆن لەگەڵ ئازارەکەیدا بژێت. دڵم ڕەتیدەکاتەوە بڕوا بەم جوانییە دۆزەخییە بێنێت. تۆ بەشێکیت لە من، و هیچ جۆرە نەگەیشتنێک ناتوانێت ئەو حەسرەتەی دڵم کەم بکاتەوە کە تا دوا هەناسە، تەنیا تۆی دەوێت لە تەنیشت خۆی، نه ک لەناو خەیاڵێکدا کە ڕۆژانە بە بێدەنگی دەمانکوژێت.»#30ta #kh0dm #foryou #ar - @kh0dm