@asma.kava: من ١٠ سنين حاولت كل حاجة عشان اسافر كوريا لدرجة اني اتعلمت كوري ودخلت الامتحان الدولي وجبت B1 وده مستوى عالي وكنت بذاكر بجانب شغلي اللي كان ٩ ساعات ف اليوم وانا عايشة في فيصل وكنت بحوش اغلب مرتبي.. وف الاخر بردو فلوسي مكفتش وملقتش اي طريقة اروح بيها كوريا ف قررت اني هروح فيتنام على قد فلوسي وفعلاً روحت على اول فرصة لقيتها رغم انها كانت شغلانة صعبة مش اي حد يستحملها ف الريف بس كانت احسن من اني اقف مكاني من غير ما تحرك وافضل اشتكي.. وبعد سنة من المغامرات والمصايب والكورونا والحوادث.. في نفس السنة واحد قرر انه يسيب بلده ف اوروبا ويروح يدور على نفسه ف الصين، بعدها بسنة قرر يروح فيتنام… وكأن خطين حياتنا اتقابلوا في نقطة عمرنا ماكنا فاكرين ان خطوط حياتنا ممكن تتقابل لو فضلنا مكانا.. حلم كوريا اتغير وبداله اصبح حلم بيت صغير فيه جنينة وطفلين.. واكتشفت اني لو كنت روحت كوريا مكنش هيكونلي مستقبل هناك، ولا هاخد الجنسية لانها مش بتتاخد، ده غير ثقافة العمل الشديدة والمتعبة ف كوريا، وهفضل طول عمري هناك اجنبية بالنسبالهم.. ولقيتني في بلد يمكن ماحلمتش اعيش فيها من وانا صغيرة بس اكتشفت ان طبيعتها احلى طبيعة ف العالم والاستقرار فيها والحقوق والنظام ومستوى العمل والمعيشة افضل بكتير.. ساعات بيكون نفسنا ف حاجة اوي بس منعرفش انها مفهاش خير لينا ويمكن ربنا شايلنا حاجة افضل "وَيَمْكُرُونَ وَيَمْكُرُ ٱللَّهُ ۖ وَٱللَّهُ خَيْرُ ٱلْمَـٰكِرِينَ" خلي ثقتك ف ربنا كبيرة بس مع الثقة لازم تسعي في اي اتجاه متقفيش مكانك

Asma

Open In TikTok:

Region: CA

Sunday 13 September 2026 23:06:51 GMT