@ranya.abu.baker: أحيانًا ما بنكون محتاجين سنين عشان نتغيّر… نقطة واحدة بس بتكفي. نقطة بتحصل فيها حاجة جواك، ما بتتكسر فيها روحك بالكامل… لكن بتنكسر الصورة البسيطة الكنت شايف بيها الحياة. بعدها بترجع تمشي، تضحك، تحب، تتكلم، وتعيش عادي جدًا… لكن في حتة جواك بتكون عرفت حاجة ما كان مفروض تعرفها بالطريقة دي. عرفت إنو الحنية ما بتحميك دائمًا. وإنو النية الطيبة ما بتمنع الخذلان. وإنو في ناس ممكن تحبهم بصدق، وبرضو يكونوا هم السبب البخليك تتعلم كيف تحمي نفسك منهم. ومن هنا بتبدأ الحكاية… في قلب، النقطة دي بتحوّلو من نهر حنية لصخرة. ما لأنو ما عاد عندو مشاعر… لكن لأنو تعب من إنو كل مرة يدي من روحو، يرجع شايل نفسو المكسورة. وفي قلب تاني، بتحصل حاجة أغرب… النقطة ذاتها بتخليه أحنّ. لأنو عرف كيف الوجع بيوجع، فبقى ينتبه لكلامو. عرف كيف التجاهل بيوجع، فبقى ما يتعمد الغياب. عرف معنى إنك تحتاج حضن وما تلقاه، فبقى حضورو في حياة الناس أمان. نفس الوجع… لكن نهايتين مختلفتين. واحد قال: ما ح أخلي زول يعمل فيني كدا تاني. والتاني قال: ما ح أخلي وجعي يخليني أعمل في زول نفس الحاجة. يمكن دي هي أقسى مراحل النضج… إنك تعرف إنك قادر تبقى قاسي جدًا، لكن تختار الحنية… مش لأنك ضعيف، لكن لأنك عارف تمامًا كم بتكلّف القسوة قلب الإنسان. وفي النهاية، كل زول عندو نقطة غيّرتو… نقطة يا إمّا طلّعت منو قلب ما بيفرق بين الحب والأذى، يا إمّا طلّعت منو قلب أحنّ من قبل… لكن عندو أبواب، ومفاتيح، وحدود. لأنو النهر برضو عندو ضفاف… وما كل زول مسموح ليهو يعبر. من رانيا أبوبكر 🤍😇 «عشان الكلام الجميل برضو عندو أصل.»

Amna Elnour :

في حاجات بتحصل تعلمنا تاني ما نحب بالطريقه في حاجات بتحصل عشان نتعلم نقوى وتخلينا نعرف انو بنقدر نعيش من غير الناس القلنا ما بنقدر نعيش من غيرهم 🥺🥺🥺في حاجات بتحصل بتخلي قلوبنا مكسورة جدا بس أقوى من الاول بالرغم من الفيها بس بنعرف نقوم وننثبت نحنا أقوى من كل الظروف دي واقوى من انو انكسر وأخلي حياتي تقيف عشان زول واسفه شديييييييييد ي نفسي على كل شيء 😪😔😔🥹🥹🥹💔💔💔

memory :

النص

walli maistroo :

موقف واحد يحصل ليك ممكن يغير نظرتك للحياه وطريقه تفكيرك ويغير فيك كل حاجه وتبدأ مرحله جديده بأفكار جديده وطموحات ورغبات أكبر وتحديات أكبر من الأول ورغبه وعزيمه وإصرار تتخلى عن حاجات وافكار كان بتستنزفك وعن أشخاص كانوا محبطين بتبدأ مع نفسك بتمشي الطريق براك وكلك ثقه وانت متأكد إنك بتصل وما بتستسلم وبتجتهد عشان تحقق أحلام جواك كبيره بتمشي بكل ثقه وتفاؤل عشان بعدت عن المتشائمين والمحبطين وبقيت انت وافكارك وطموحاتك. الجلوس مع النفس والإنفراد بها أجمل والذ اللحظات 💕

آآلمہزيہــؤنہه🤍✨ :

كأنك اتكلمتي عن الجواي وعن الاحساس البحسو 🥺😔💔

Mơĥáñâď Ịɓřăĥím⚫️ :

الكلام على الميوزيك على طريقة التعبير عن حاجه ممكن كتير مننا حاسنها بس ما عارفين نعبر عنها...سلمت يداك وسلم إحساسك ودمتي ودام قلبك بخير 💓

SeeDoo :

ياخ[Red heart]

ورده كسلا :

الخاطر المابتعرف تجبرو م تكسرو 💔😔✋🏻

oops 🥺❤‍🩹 :

عجبني كلامك و ديه حيقيقه م اي زول بعرفه وانا من الليله ومن اللحظة ديه معجب بيك و بي الروايات بتعاتك وياريت يصلاني اي جديد منك م تنقطعي من المايده بي التوفيق🥰....!

♡♕مًـــصّــعٌـــبً♕♡//Ṃ•Ŝ•Ɓ📷✨ :

اخخخخخخ😣😣😫🫶🏻💕 هادئة 🥺🥲🫶🏻💕✨🦋🦋

mexeke ❤️‍🩹nsyaan🫠 :

كلووو لي خييير . ودايما ربنا ببتليك بالسي ويختبرك ويشوف صبرك .علشان يجبرك بالكويس 🥰

𝔈𝔰𝔰𝔞𝔪🖤 :

النص دا بيلمس "عمق النضج الإنساني" في أصفى صوره. النقطة دي بالتحديد هي اللحظة اللي بنكتشف فيها إن الوعي بالحياة ما بيجي بالتدرج الهادي، بل بصدمة الإدراك اللي بتغير معالم الرؤية للأبد. الفرق الحقيقي بين القلب البتحول لصخرة والقلب البختار يبني ضفاف للنهر هو الشجاعة والنبل. القسوة رد فعل دفاعي غريزي وسهل؛ محاولة لحماية الذات بإغلاق كل المنافذ عشان ما يتكرر الوجع. لكن الخيار التاني—إنك تتوجع وتظل حنين، وتعرف قيمة الكلمة الطيبة لأنك تذوقت مرارة التجاهل—دا بيتطلب قوة استثنائية، لأنك بتختار تحافظ على نقائك رغم معرفتك الكاملة بمرارة الخذلان. الحنية الناضجة ما بتعني العطاء بلا حساب، بل بتعني حنية بحدود وأبواب ومفاتيح. النهر بلا ضفاف بيبقى فيضان بيغرق وصاحبه هو أول من يخسر طاقته، لكن وجود الضفاف هو البيحمي النهر وبيحدد مين البستحق يسقي أرضه ومين مسموح ليه يعبر. الخذلان ما مفروض يغير جوهرك الطيب، لكن مفروض يغير طريقة إدارتك لي الجوهر في حد زاتو، مفروض يعلمك إن نيتك الطيبة وحنيتك هي أثمن ما تملكي، وما كل زول بيستحق يوصل لأعمق حتة في قلبك لمجرد إنه طرق الباب.🫧🌖🌖🌖

【مدني】 :

الغنية في دمي ❤

عبدالعزيز أبوعبيدة :

تستاهلي المتابعه

☠️s☠️eif🔥الحساني :

كل المواقف في الحب فداها لكن مع شخص صح

عاشق السواد :

"أيَشقَىٰ الإنْسان بِلين قَلبه؟."

𝑲𝒉𝒂𝒕𝒂𝒓 米خہطہر米 :

MarMar Abdallh :

صدقتي هل ممكن ترسلي لي خاص وبي صوت الاغنيه دي

bad girl :

🧃ود 🧃الشقله 🧃 :

🥺🥺🥺 حقيق والله

☆☬AᎷᎧᎧᏒᎩ ☬☆ :

شارعكم ظابط والله

Max karim :

الكلام لس مجرد حقيقة بل م الذي عشت و مرت مع الايام يا ترا 🥹🥹 تبري قلبك يارب

سكة ضياع بكري :

كلامك في مكانو 🥰🥰🥰

إبن البرير :

يسدحم علينا من يريد المباركة ولا يدرك حجم التغير الزي بلغتها للوصول الغيمة من بعد الكسر هيا النجاح هي ان تعتب من الداخل ولا يدري المر انك تكبد العنا لعنه في السر لا ارة الكسر نقطة وقوف بل نقطة شدة واصرار نعم تعبنا ولكن من يدري ما اصابك لا أحد لزة توقفت عن الشرح كل ما لدي الان قدرة التحمل والإصرار على الوصول وان لم اصل اوصلوني قبري 🕊️🚶🍂

Dr. Mohamed Abdulrahman Al-Ami :

🥰🥰🥰🥰✌️✌️✌️✌️✌️

السر محمد يعقوب :

🥰🥰🥰