@aminamin1815: ولا عشان الدنيا وقفت عليهم ولا عشان ما قادر تعيش بدونهم الناس مرات بتتمسك بزول لأنو شافت فيهو حاجة ما شافتها في غيرو حاجة خلت القلب يختارو من وسط ألف زول وخلى الإنسان يديهو من وقتو واهتمامو وقلبو وهو عارف إنو ممكن في النهاية يتوجع المؤلم إنو في ناس بتفهم التمسك غلط بتحسب إنو الزول البصبر عليها ضعيف وإنو الزول البحاول عشانها ما عندو كرامة وإنو الزول البيرجع كل مرة ما عندو مكان غير بابها وما عارفين إنو في فرق كبير بين زول محتاجك وزول اختارك الزول البختارك ممكن يلقى ألف بديل لكنو ما داير غيرك ممكن يلقى ألف طريق لكنو يقرر يمشي في طريقك إنت ممكن يدي قلبو لناس كتار لكنو يشيل قلبو كلو ويجي يديهو ليك عشان كدا ما تستهينوا بمحاولات الناس ولا بصبرهم ولا بتمسكهم بيكم لأنو الزول البيدي من قلبو ما بيدي عشان يثبت إنو ضعيف بيدي لأنو قلبو صادق لكن برضو القلوب بتتعب والصبر عندو آخر وحتى أكتر زول كان متمسك ممكن في يوم يصحى ويلقى نفسو ما قادر يحاول تاني ما لأنو الحب انتهى لكن لأنو الوجع بقى أكبر من قدرة القلب على الاحتمال أقسى حاجة ممكن تحصل للإنسان ما إنو يحب زول ويخسرو أقسى حاجة إنو يدي زول كل الأسباب العشان يبقى وكل الفرص العشان يفهم وكل الحب العشان يحس وفي النهاية يكتشف إنو كان بحارب براهو وما في وجع أقسى من إنك تكتشف إنك كنت بتجاهد عشان تحافظ على حاجة الطرف التاني أصلا ما كان خايف يخسرها عشان كدا قبل ما تفرحوا بتمسك الناس بيكم تذكروا إنو التمسك ما ضعف وإنو المحاولة ما قلة قيمة وإنو الزول البصبر كتير ما بالضرورة يصبر للأبد لأنو يوم الزول الصادق يتعب ويمشي ما بكون مشى عشان لقى غيرك بكون مشى لأنو أخيرا فهم إنو قلبو كان يستاهل مكان ما يضطر كل يوم يثبت فيهو إنو يستحق يبقى. . ❤‍🩹 #خواطر_لها_معنى #💔🥀🚶‍♂️ #creatorsearchinsights #سودانيز_تيك_توك_مشاهير_السودان