@sameha.alali: ضايقها تأخير الصلاة… وأنا فرحت إن هالشي يشغل بالها مريم الله يحفظها ترجع من المدرسة وتخبرني إنها تضايقت يوم تأخروا في الصلاة، أو يوم المعلمة ما مرّت عليهم عشان توديهم. وأنا متفهّمة، بداية الأسبوع الدراسي طبيعي تكون فيه شوية لخبطة لين يرتّبون الحصص وكل شي ينتظم. بس كنت أسمعها وفي خاطري أقول الحمدلله… إنها تحاتي صلاتها، وتبي تلحق تصلّي قبل لا ترجع البيت. واذا ما لحقو يصلون تفقد الشيء وكأن شالة هم كبير . والحق ينقال، المدرسة الحمدلله مهتمّة بهالشي. وللحين أذكر عمر لما رجع اول يوم وقال: «ماما الحمدلله عدد كبير من الطلاب يصلّون، كأن المصلى أجواء مسجد»🥹 وايد يفرحني إنهم يعيشون هالأجواء في المدرسة، ويشوفون ربعهم يصلّون وياهم. اللي نغرسه في البيت يحتاج من يعينّا عليه برع، وخصوصًا في المكان اللي يقضون فيه أغلب يومهم. ونتمنى هالاهتمام يكون في كل المدارس، ويكون للصلاة وقتها ومكانها في يومهم. يتعلّمون منّا ومن اللي حولهم إن الصلاة مب شي نسويه إذا فضينا… إذا أذّن، نوقف كل شيء فإيدنا .. شكرًا للمدارس اللي تسهّل على عيالنا صلاتهم، وتهيّئ لهم مكان وأجواء تحبّبهم فيها، وتخلّي «حيّ على الصلاة» نداء يتعوّدون يلبّونه من صغرهم. اللهم إنّا استودعناك أبناءنا، فاحفظهم وارزقهم الصحبة الصالحة التي تعينهم على طاعتك، واجعلهم من مقيمي الصلاة، وقرّ أعيننا بصلاحهم

sameha.alali

Open In TikTok:

Region: AE

Monday 14 September 2026 05:48:18 GMT