“አንዳንድ ጊዜ ከምትወደው ሰው መራቅ አይደለም… ከራስህ ጋር እንደገና ለመገናኘት የምታደርገው ጉዞ ነው።” አንድ ወጣት ነበር። በልቡ ትልቅ ህልም ነበረው። ራሱን የሚያሻሽልበት፣ ቤተሰቡን የሚያስደስትበት፣ አንድ ቀን በራሱ እግር የሚቆምበት ሕይወት ማየት ይፈልግ ነበር። ግን አንድ ቀን ፍቅር ወደ ሕይወቱ ገባ። መጀመሪያ ላይ ፍቅሩ ደስታ ነበር። ስልክ ሲደውልለት ይደሰታል። መልዕክት ሲመጣለት ፈገግ ይላል። አንድ ሰው እንደሚያስብለት ማወቁ ለእርሱ ትልቅ ነገር ነበር። ጊዜ እያለፈ ግን አንድ ነገር ተለወጠ። ከራሱ ጋር የነበረውን ጊዜ አጣ። ህልሙን መከታተል ጀመረ። ስራውን ችላ ማለት ጀመረ። በቀኑ ውስጥ የሚያስበው አንድ ነገር ብቻ ሆነ፦ “እሷ ለምን አልደወለችልኝም?” ከዚያ… “ለምን መልዕክቴን አላየችም?” “ከማን ጋር ነው?” “እኔን አሁንም ትወደኛለች?” እነዚህ ጥያቄዎች በልቡ ውስጥ ቦታ ያዙ። እርሱ ግን አንድ ነገር አልተረዳም። የሌላን ሰው ሕይወት ለመከታተል ብዙ ጊዜ ሲያጠፋ፣ የራሱ ሕይወት በዝምታ እየሄደ ነበር። አንድ ሌሊት ብቻውን ተቀምጦ ራሱን ጠየቀ፦ “እኔ የምፈልገው ሕይወት ይህ ነው?” መልሱ ግን ዝምታ ነበር። ከዚያ ወሰነ። ፍቅርን አልጠላም። ያፈቀራትንም ሰው አልጠላም። ግን ለተወሰነ ጊዜ ከፍቅር ገለል እላለሁ። ምክንያቱም ልቤን ለማሳረፍ፣ ራሴን ለመገንባት፣ ስራዬን ለመስራት፣ ህልሜን ለመከታተል፣ እና ከራሴ ጋር እንደገና ለመታረቅ ጊዜ እፈልጋለሁ። ከዚያ ቀን ጀምሮ ሕይወቱን መቀየር ጀመረ። ጠዋት በማለዳ ይነሳል። ስራውን በትጋት ይሰራል። ገንዘቡን መቆጠብ ጀመረ። አእምሮውን በእውቀት ማዳበር ጀመረ። ሰውነቱን ይንከባከባል። ከእግዚአብሔርም ጋር ያለውን ግንኙነት አጠናከረ። መጀመሪያ ቀናት ከባድ ነበሩ። ስልኩን ይዞ ለመደወል ይፈተናል። የቀድሞ ፎቶዎችን ለማየት ይፈልጋል። የቆዩ መልዕክቶችን ለማንበብ ይፈልጋል። ግን ራሱን ያስታውሳል፦ “አሁን የምገነባው ራሴን ነው። ይህን ጊዜ ካጣሁ ደግሜ ላላገኘው እችላለሁ።” ወራት አለፉ። አንድ ቀን መስታወት ፊት ቆሞ ራሱን አየ። ፊቱ ተለውጧል። አስተሳሰቡ ተለውጧል። ስራው ተሻሽሏል። እምነቱ ጠንክሯል። ህልሙም እንደገና ሕይወት አግኝቷል። በዚያን ጊዜ አንድ ትልቅ ነገር ተረዳ። አንዳንድ ጊዜ ፍቅርን ለጊዜው ማስቀመጥ ማለት ፍቅርን መተው አይደለም። ራስህን ከመጥፋት ማዳን ነው። ወገኖቼ… ብዙዎቻችን ልንሰራ በሚገባን ጊዜ እያፈቀርን ነው። ልንገነባ በሚገባን ጊዜ እየተጎዳን ነው። ልንማር በሚገባን ጊዜ የሌላን ሰው ምላሽ እየጠበቅን ነው። ፍቅር መጥፎ አይደለም። ግን ራስህን ረስተህ የምትወደው ፍቅር አንድ ቀን ሊያሳጣህ የሚችለውን ነገር አትርሳ። ስለዚህ አሁን እየተጎዳህ ከሆነ፣ ራስህን ለመገንባት ጊዜ ውሰድ። ስራ። ተማር። ገንዘብ ቆጥብ። ሰውነትህን ጠብቅ። እምነትህን አጠናክር። ህልምህን አትተው። እና ከሁሉም በላይ… ራስህን እንደገና ውደድ። አንድ ቀን ወደ ኋላ ተመልሰህ ስታይ፣ ዛሬ የሚያሳምምህ ነገር የነገ ጥንካሬህ መሠረት እንደነበረ ትረዳለህ። ሁሉንም ነገር ዛሬ ማግኘት አይጠበቅብህም። አንዳንድ ጊዜ ፍቅር ይጠብቃል። አንዳንድ ጊዜ ስኬት ይጠብቃል። አንዳንድ ጊዜ ደስታም ይጠብቃል። አንተ ግን በዚህ መካከል ራስህን አትጥፋ። ለተወሰነ ጊዜ ገለል በል። ልብህን አሳርፍ። እጅህን ወደ ስራ አስገባ። አእምሮህን አዳብር። ህልምህን እንደገና አንሳ። ምክንያቱም የሚጠብቅህ ሕይወት አለ። እና አንድ ቀን… “ያን ጊዜ ለምን እንደተሰበርኩ አልገባኝም፤ ያ ጊዜ እንደገና እንድገነባ ነበር።” ትላለህ። - @tam74756