@milli.info: Türkmenistanyň Bilim ministrligi talyplara we okuwa girmek isleýän ýaşlara daşary döwletleriň ýokary we orta hünär okuw mekdeplerinde okamak üçin daşary ýurda gitmekde zerur bolan güwänamany resmileşdirmegiň tertibi barada maglumat berýär.   Güwänama Türkmenistanyň Bilim ministrliginiň 2022-nji ýylyň 1-nji iýunyndaky №202 buýrugynyň 1-nji goşundysyna laýyklykda berilýär. Ol raýatyň bellenen tertipde daşary ýurtda okuwyny dowam etdirýän ýa-da okuwa täze başlan talyp hökmünde hasaba alnandygyny tassyklaýar.   Hasaba alyş raýatyň hemişelik ýaşaýan ýeri boýunça — etrap bilim bölümlerinde geçirilýär. Aşgabat şäheriniň ýaşaýjylary bolsa şäheriň Baş bilim müdirligine ýüz tutup bilerler:   Salgysy: Türkmenistanyň Gahrymany Atamyrat Nyýazow şaýoly, 148   Telefonlar: 39-35-01, 39-37-79   E-mail: [email protected]   Hasaba alyş tertibi Türkmenistanyň Bilim ministrliginiň 2024-nji ýylyň 25-nji iýulyndaky №245 buýrugy (2-nji goşundy) bilen kesgitlenýär.   Zerur bolan resminamalar:   1.     Şahsyýeti tassyklaýan resminamanyň nusgasy (milli we daşary ýurt pasportlary);   2.     Ilkinji gezek daşary ýurda okuwa gidýänler üçin daşary ýurt okuw mekdebiniň çakylygynyň we okuwa kabul edilýändigi baradaky kepillik hatynyň türkmen diline terjime edilen nusgasy;   3.     Wizanyň nusgasy;   4.     Harby şahadatnamanyň ýa-da harby hasaba alnandygy baradaky kepilnamanyň nusgasy;   5.     Okuw edarasy tarapyndan berilýän bellenilen nusgadaky anketa;   6.     Orta bilim baradaky şahadatnamanyň nusgasy;   7.     6×9 ölçegli bir reňkli fotosurat.   Goşmaça maglumatlar:   Resminamalar iş günlerinde sagat 14:00-dan 17:00-a çenli kabul edilýär. Resminamalaryň nusgalary we möhürleriň yzlary aýdyň bolmaly, sowalnama bolsa seresaplylyk bilen, ýalňyşsyz doldurylmalydyr. Resminamalar şahsy ýagdaýda tabşyrylýar.   Has giňişleýin maglumatlary Türkmenistanyň Bilim ministrliginiň resmi saýtyndan alyp bilersiňiz. #milliinfo

Milli.Info

Open In TikTok:

Region: BG

Monday 14 September 2026 08:00:00 GMT