@zhumabek_karazhanov: Бүгін аппараттық мәжіліс өткізіп, аудан бойынша өзекті мәселелердің орындалу барысын қадағаладым. Жиынның күн тәртібінде 4 мәселе қаралды. Ең алдымен, жылыту маусымына дайындық жұмыстарына ерекше тоқталдым. Қысқы кезеңде тұрғындарға қолайсыздық туғызуы мүмкін тозығы жеткен инженерлік желілерді алдын ала анықтап, жөндеу жұмыстарын уақытылы жүргізуді тапсырдым. Сонымен қатар, мүмкіндігі шектеулі азаматтар үшін қолайлы әрі кедергісіз орта қалыптастыру бағытындағы жұмыстарды күшейтуді міндеттедім. Әсіресе, орталық көшелердегі тротуарлар мен жаяу жүргіншілер жолдарының жағдайына, олардың азаматтарға қолжетімді болуына баса назар аудару қажет екенін атап өттім. Ауданның санитариялық-эпидемиологиялық ахуалы бойынша да нақты міндеттер жүктедім. Бруцеллез ауруының алдын алу және профилактикалық жұмыстарды күшейтумен қатар, кене шағу жағдайларына байланысты тұрғындар арасында түсіндіру жұмыстарын жүргізу қажет. Бұл бағыттағы ақпараттарды әлеуметтік желілерде тұрақты жариялап, тұрғындарды дер кезінде хабардар етуді тапсырдым. Мемлекет мұқтаждығы үшін жер учаскелерін алу мәселесі бойынша да жұмыстарды жүйелеп, құжаттарды рәсімдеу және тиісті рәсімдерді белгіленген тәртіппен жүргізу бойынша бірқатар тапсырма жүктедім. Әр бағыт бойынша берілген тапсырмалардың сапалы әрі уақытылы орындалуы жеке бақылауымда болады.

Жұмабек Қаражанов

Open In TikTok:

Region: KZ

Monday 14 September 2026 13:32:34 GMT