@campill.education: សួស្តីបងប្អូនទាំងអស់គ្នា បែកពីលោកគ្រូយូរ មាននឹងអត្ថបទលោកគ្រូទេ ? ជាការពិតស្ថានភាពពេលនេះ ម្នាក់ៗ ពិតជាពិបាក អ្នកខ្លះបាត់បង់ការងារ បាត់ចំណូល រកស៊ីក៏មិនសូវទៅមុខ ឬ ខាត តែចំណាយមានតែកើន និងថ្លៃជាងមុន ។ តើការពិតបែបណា? 1. អាជីវកម្មខ្លះ ក្នុងវិស័យអប់រំ វិស័យ សុខាភិបាល និងផ្សេងៗទៀត នៅរកចំណូលបានធម្មតាទេ វាអាចថយដែរ តែនៅរកបានសម្រាប់ ស្ថានប័នខ្លាំងៗ តែម្ចាស់អាជីវកម្មយកហេតុផល នៃសេដ្ឋកិច្ចធ្លាក់ មិនឡើងប្រាក់ខែ ឱ្យបុគ្គលិក គឺ ឱ្យមួយរស់ៗ ទោះជាចំណេញដដែល ឬ ច្រើនជាងមុនក៏ដោយ ។ បុគ្គលិកខ្លះ គាត់អត់យល់ទេ គឺ គាត់គិតជារួម មានការងារពេលនេះគឺ ល្អ តែគាត់អត់បានគិតទេ បើគាត់មិនអាចរកចំណូលបាន គេនឹងដកគាត់ចេញយ៉ាងលឿន មានន័យថា អ្វីដែលគាត់ធ្វើគឺ ចំណេញបានគេទុក ។ 2. ជាការពិតអ្នករកបាននៅតែរកបាន តែរកមិនបាននៅតែរកមិនបាន គឺវាអាស្រ័យលើ សមត្ថភាព ។ សេដ្ឋកិច្ចមិនល្អ វាជារឿងមួយ តែបើយើង គិតបែបសេដ្ឋកិច្ចធ្លាក់ មិនប្រឹង រក នោះយើងនឹងរកអ្វីមិនបានទេ ។ អ្នកលក់កាហ្វេខ្លះ រកស៊ីខាត គិតថា អាជីវកម្មនេះគេធ្វើច្រើន តែអ្នកលក់ ខ្លះ នៅលក់យកលុយគេធម្មតា ដាច់នោះដាច់ ព្រោះ គេមានជំនាញ យើងចេះតែចង់រកស៊ីដូចគេ មិនដឹងថាគេចេះអ្វីខ្លះ ! អ្នកធ្វើការក៏ដូចគ្នា អ្នកខ្លះរវល់ គ្មានពេលសម្រាក អ្នកខ្លះរកតែការងារមួយធ្វើគ្មាន បញ្ហាគឺ បើការងារតិច អ្នកខ្លាំង បានមានការងារធ្វើ មានចំណូល អ្នកខ្សោយក្លាយជាជនរងគ្រោះ តែអ្នកខ្លះច្រឡំ ហើយក៏ខ្លាចតាមគេនិយាយ ហើយមិនបានមើលសមត្ថភាព ខ្លួនឯង ។ គ្រូនិយាយរឿងមួយទាក់ទងជាមួយ MMO ៖ គេថា MMO វាមិនមែនជាផ្លូវក្នុងការរកលុយទេ រកស៊ីបានជាផ្លូវ ។ បើយើងជា MMO គ្មានជំនាញ រកលុយមិនបាន យើងគិតថា YouTubers ទាំងអស់ រកលុយមិនបានដែរគឺ ខុសហើយ ព្រោះអ្នកខ្លះនៅរកលុយបានធម្មតា ហើយច្រើនជាងមុនផង ។ ត្រូវចាំថា ៖ យើងមិនអាចយក បទពិសោធន៍ បរាជ័យរបស់យើង ទៅវាយតម្លៃ អ្នកជំនាញក្នុងវិស័យមួយបានទេ ព្រោះគេជាគេ យើងគ្រាន់តែជាមនុស្សបរាជ័យ មិនដូចគ្នាទេ ។ ដូចនេះអ្នកខ្លះមេដាក់ សម្ពាធ ធ្វើបាប តែខ្លាច មិនហ៊ានដាក់ពាក្យ ឈប់ មិនចង់ដូរការងារ ដូរកន្លែង មិនចង់ធ្វើអ្វីដែលខ្លួនចង់ ឬ មានសមត្ថភាពធ្វើ វាមិនខុសពីកូន ដំរី ដែលគេធ្វើបាប តាំងពីតូច វាបាត់ជំនឿលើខ្លួនឯងអស់ហើយ ។ រៀនមើលខ្លួនឯងឡើងវិញ ខ្សោយកន្លែងណា ប្រឹងកន្លែងនោះ កុំមានជំនឿដូចកូនដំរី ។ 3. អ្នកខ្លះធ្វើការឱ្យគេ គេថា៖ សេដ្ឋកិច្ចធ្លាក់ គ្មានប្រាក់ខែឡើងឱ្យទេ តែយើងដឹងច្បាស់ថា អាជីវកម្មនេះ នៅមានចំណូលធម្មតា ហើយលើសមុនទៀត តែគេយកហេតុផលនេះ យើងក៏មិនហ៊ានឈប់ ព្រោះគេនិយាយថា ៖ ឈប់បាន គេមានអ្នកថ្មី មកជំនួស មិនខ្វះទេ យើងក៏ខ្លាចមិនហ៊ាននិយាយ ។ កន្លែងនេះអ្នកខ្សោយមិនហ៊ានឈប់ទេ តែអ្នកខ្លាំងប៉ះមេបែបនេះ ឈប់ហើយ ចេញរកស៊ី ក្នុងអាជីវកម្មដដែលឱ្យមេមើលទៀត កុំឱ្យគាត់ឈ្លើយពេក! ហាហា ! អាជីវកម្មខ្លះយើងអាចធ្វើបានមែន តែអាជីវកម្មខ្លះ ពិបាកធ្វើណាស់ BM ធនាគារ ប្រាក់ខែ $3,500 យើងមិនងាយឃើញគាត់ចេញបើក ធនាគារទេ ព្រោះវាពិបាក តែអាជីវកម្មខ្លះ យើងអត់ពិបាកក្នុងការបើកទេ វាជាសម័យ Online សំខាន់គុណភាព និង សមត្ថភាពរបស់ ម្នាក់នោះ ។ ជាខ្លី គ្រូដឹងថា បងប្អូនគ្មានការងារធ្វើច្រើន នៅពេលនេះ មានការងារល្អហើយ តែកុំឱ្យគេ ធ្វើបាបខ្លាំងពេក កើតជំងឺផ្លូវចិត្ត បើចួបមេល្អ មានអត់ស៊ីអត់ជាមួយគ្នា មានបានជាមួយគ្នា ពិតជាសំណាង តែមនុស្សខ្លះ មិនគិតបែបនេះទេ ដូចនេះហើយបានជាបុគ្គលិក ឬ អ្នកធ្វើការឱ្យគេ ត្រូវខ្លាំង ទើបមានជម្រើស ។ - កុំចាំដល់គេដេញ ក្បាលចោលបាន ដឹងខ្លួន រៀន នឹក រកផ្លូវក្រោយឱ្យហើយ យើងមើលចិត្តមនុស្ស មិនឃើញទេ ។ - ធ្វើការរកចំណូលឱ្យគេ បាន $10,000 ប្រាក់ខែគេអាចឱ្យអ្នក $2,000 ច្រើនហើយ ។ គេមិនទុកអ្នករកចំណូលឱ្យគេបាន $1,000 ហើយឱ្យប្រាក់ខែអ្នក $2,000 ទេ វា ខាត ។ យល់? មានន័យថា យើងត្រូវរកលុយលើសពីប្រាក់ខែ បានយើងមានការងារនោះ ចុះបើជ្រុលជាបែបនេះ យក $10,000 ខ្លួនឯង មិនល្អជាងហើយមានសេរីភាពទៀត ! តែរកស៊ីខ្លួនឯងស្រួលទេ ? គឺ អត់ស្រួលទេ ! - រៀនគិតរកវិធីរកលុយ មនុស្ស 70% លើស មិនចូលចិត្តការងារ ទេ តែដោយសារ គ្មានជម្រើស ត្រូវរកលុយ ចុះបើយើងមានវិធីរកលុយផ្សេង យើងចាំបាច់ នៅវេទនាជាមួយ មេហ្នឹង ធ្វើអ្វី ? (Work hard on yourself than you do on your job. Jim Ronh! បញ្ជាក់ ៖ អានហើយ តិចដាក់ពាក្យឈប់ 😆 ! ច្បាស់ មានជំនាញ ខ្លាំង មានវិន័យ ដឹងតែធ្វើកើត ចាំគិត ហើយ សល់លុយផងដែរ ! កុំចេះតែតាមអារម្មណ៍ ប្រើចំណេះដឹង ជំនាញ ទិន្នន័យ ប្រើបញ្ញា ឱ្យច្បាស់ ។ Campill Education

Campill Education

Open In TikTok:

Region: KH

Monday 14 September 2026 13:48:43 GMT