@sai.naw.jar: “စကားကြောင့် စိတ်မညစ်ချင်ရင်… ကြားရုံပဲ နားထောင်ပါ။ နှလုံးသားအထိ မပို့ပါနဲ့။” 🩵🍀 တစ်ခါတလေ ကိုယ့်ကို ပင်ပန်းစေတာက သူများပြောတဲ့စကား မဟုတ်ပါဘူး။ အဲဒီစကားကို ကိုယ်က အိမ်ပြန်သယ်လာပြီး ထပ်ခါထပ်ခါ ပြန်တွေးနေတာပါ။ တကယ်တော့ သူများပြောတဲ့စကားဟာ သူတို့ရဲ့အမြင်တစ်ခုပါပဲ။ ကိုယ့်တန်ဖိုးကို သူများရဲ့စကားနဲ့ မတိုင်းပါနဲ့။ စကားတစ်ခွန်းကြားရင် ခဏရပ်ပြီး စဉ်းစားပါ။ “ဒီစကားထဲမှာ ငါယူသင့်တာ ရှိလား…” ရှိရင် သင်ခန်းစာယူပါ။ မရှိရင်… လွှတ်ချလိုက်ပါ။ လူတိုင်းကို ပြန်ရှင်းပြဖို့ မလိုပါဘူး။ လူတိုင်းကို ကိုယ့်အကြောင်း နားလည်အောင် ကြိုးစားနေဖို့လည်း မလိုပါဘူး။ Silence is sometimes self-respect. တစ်ခါတလေ မပြန်ပြောတာဟာ မပြောတတ်လို့ မဟုတ်ပါဘူး။ ကိုယ့်စိတ်အေးချမ်းမှုကို တန်ဖိုးထားတတ်လာလို့ပါ။ လူတိုင်းရဲ့စကားကို နားထောင်လို့ရပါတယ်။ ဒါပေမယ့် လူတိုင်းရဲ့စကားကို နှလုံးသားထဲ ထည့်ထားဖို့တော့ မလိုပါဘူး။ နောက်တစ်ခါ စကားတစ်ခွန်းကြောင့် စိတ်ထိခိုက်လာရင်… ချက်ချင်း မပြန်ပြောပါနဲ့။ အသက်တစ်ချက် ရှူလိုက်ပါ။ ပြီးတော့… စကားကို စကားအဖြစ်ပဲ ထားလိုက်ပါ။ ကြားရုံနဲ့ ရပ်တန့်နိုင်ပါစေ။ 🩵🍀 ကိုယ့်တန်ဖိုးကို သူများရဲ့လျှာပေါ်မှာ မတင်ထားပါနဲ့။ ချစ်ခြင်းများစွာဖြင့်။ — ဒေါက်တာစိုင်းနော်ဂျာ