13 جولائی 2012ء… وہ تاریخ جسے یاد کرتے ہی آج بھی دل بھر آتا ہے۔ 💔 جب ہمارا پیارا دوست طفیل فائرنگ کے ایک افسوسناک واقعے میں ہم سے ہمیشہ کے لیے بچھڑ گیا۔ آج 13 ستمبر 2026ء کو راضی نامہ ہو گیا ہے، مگر وقت نے بہت کچھ بدل دیا، لوگ آگے بڑھ گئے، مگر طفیل کے ساتھ گزارے ہوئے وہ خوبصورت دن، حسین لمحات، ہنسی مذاق، دوستوں کی محفلیں اور اس کی محبت بھری باتیں آج بھی یادوں میں سانس لیتی ہیں۔ کاش وقت کی گھڑی پیچھے چل سکتی… کاش ایک بار پھر طفیل ہمارے درمیان بیٹھا ہوتا اور ہم اسے دیکھ کر کہتے: یار، تم کہاں چلے گئے تھے؟ مگر کچھ جدائیاں ایسی ہوتی ہیں جن کا کوئی علاج نہیں ہوتا۔ انسان چلا جاتا ہے، مگر اس کی یادیں ہمیشہ کے لیے دل میں گھر کر لیتی ہیں۔ آج بھی کبھی اس کا ذکر آتا ہے تو آنکھیں نم اور دل خاموش ہو جاتا ہے۔ طفیل! تم آج ہمارے درمیان نہیں ہو، مگر تمہاری یاد آج بھی ہمارے ساتھ ہے۔ تمہاری ہنسی، تمہاری باتیں اور تمہارے ساتھ گزارے ہوئے حسین لمحات کبھی نہیں بھولیں گے۔ اللہ تعالیٰ طفیل کی کامل مغفرت فرمائے، اس کی قبر کو نور سے بھر دے، اسے جنت الفردوس میں اعلیٰ مقام عطا فرمائے، اور کل ہونے والی اس صلح کو اللہ ہمیشہ قائم و دائم رکھے 🤲 اللہ کسی کو اپنے پیاروں کی جدائی کا وہ دن نہ دکھائے۔ آمین اس طویل عرصے میں مخالف فریق کے جو لوگ بھی اس دنیا سے رخصت ہو چکے ہیں، ہم ان کے لیے بھی دل سے دعاگو ہیں۔ اختلاف، رنجش اور دشمنی اپنی جگہ، مگر موت کے بعد انسان صرف انسان رہ جاتا ہے۔ ہم ان تمام مرحومین کے لیے اللہ تعالیٰ سے مغفرت، رحمت اور جنت الفردوس میں اعلیٰ مقام کی دعا کرتے ہیں۔ 🤲 - @naseerullah06