@dr..hiba.babiker: مرة سألتني واحدة وقالت: «هو أنا فعلًا زي ما الناس شايفاني؟» قلت ليها: «الناس شايفينك كيف؟» قالت: «في زول شايفني طيبة زيادة، وزول شايفني باردة، وزول شايفني مغرورة، وزول تاني شايفني حنونة ومُريحة… وأنا ذاتي بقيت محتارة، أنا في النهاية شنو؟» ضحكت وقلت ليها: «يمكن إنتِ ما اتغيّرتي… يمكن كل زول شاف منك الحاجة البتشبه قلبو.» الحنين بشوفك حنينة، والشكّاك بشك فيك، والزول الما بعرف الأمان ممكن يفسّر هدوءك بُعد، والزول البحب بصدق ممكن يلقى فيك حاجات ما لقاها في زول تاني. عشان كدا، ما تقعدي كل مرة تصلّحي صورتك في عيون الناس. كلٌّ يراك بعين طبعه، ويفسّرك على قدر ما يسكن داخلو. فلو يوم لقيتِ زول شايفك بصورة ما بتشبهك، ما تستعجلي تثبتي ليهو إنو غلطان… يمكن الحكاية ما كانت عنك من البداية. يمكن هو بس كان بيشوف انعكاس قلبو فيك. #💜

Dr. Hiba Babiker

Open In TikTok:

Region: SD

Monday 14 September 2026 19:05:42 GMT