@ali.awan4746: دفتر میں اُس کی موت کا اعلان ہوا، دو منٹ خاموشی رہی… پھر اُس کی کرسی پر کسی اور کو بٹھا دیا گیا، اور اُس کا سارا کام ساتھیوں میں تقسیم ہوگیا۔ وہ شخص برسوں چھٹی نہیں کرتا تھا، اس ڈر سے کہ "میرے بغیر دفتر کا کام کیسے چلے گا؟" مگر اُس دن ایک عجیب حقیقت سامنے آئی… جس فائل کو وہ راتوں کو جاگ کر مکمل کرتا تھا، وہ کسی اور نے کھول لی۔ جس کرسی کو وہ اپنی ذمہ داری سمجھتا تھا، اُس پر کسی اور نے بیٹھ کر کام شروع کر دیا۔ اور جس دفتر کو وہ سمجھتا تھا کہ اُس کے بغیر ایک دن بھی نہیں چل سکے گا، وہ اگلے دن بھی حسبِ معمول کھل گیا۔ بالکل ایسے جیسے گھڑی کی ایک سوئی رک جائے تو وقت رک نہیں جاتا۔ زندگی بھی ایسی ہی ہے… ہم سمجھتے ہیں کہ ہمارے رک جانے سے سب کچھ رک جائے گا، مگر حقیقت یہ ہے کہ دنیا ہمارے بغیر بھی چلتی رہتی ہے۔ اس لیے اپنی پوری زندگی صرف اُس جگہ کے نام مت کرو جہاں تمہاری غیر موجودگی میں تمہاری کرسی بھی زیادہ دیر خالی نہیں رہتی۔ کبھی گھر جلدی جاؤ، کبھی ماں کے پاس بیٹھو، کبھی باپ سے دل کی بات کرو، کبھی بچوں کے ساتھ ہنس لو، اور کبھی اپنے لیے بھی جی لو۔ کیونکہ دفتر تمہارے بغیر چل سکتا ہے، مگر تمہارے ماں باپ کے لیے تمہاری جگہ کوئی دوسرا نہیں لے سکتا۔ کام دوبارہ مل سکتا ہے، مگر گزرا ہوا وقت، چھوٹی ہوئی محبتیں اور بچھڑے ہوئے لوگ… دوبارہ نہیں ملتے۔

RajaAli 🇦🇪🇵🇰DXB

Open In TikTok:

Region: AE

Tuesday 15 September 2026 02:26:46 GMT