‎"ဒီတသက်သာ အလိုရှိပါသည်" နောင်ဘဝမှဆုံကြစို့လို့ မဆိုလိုက်ပါနဲ့။ အရှင်ဘုရား... အရှင်ဘုရားက နိဗ္ဗာန်ကိုသွားမယ့်လမ်းမှာ သတ္တဝါဝေနေယျတွေကို ကယ်တင်ဖို့ပဲ ကြိုးစားနေတယ်နော်။ ‎ ‎ဒါပေမဲ့ ဒီမှာရှိနေတဲ့ ကျွန်မရဲ့ မေတ္တာကိုကျတော့ ဘာလို့ လျစ်လျူရှုထားရတာလဲ။ တရားဓမ္မဆိုတာလည်း မေတ္တာတရားပါပဲ အရှင်ရယ်။ အဘယ်ကြောင့် ကျွန်မရဲ့ နှလုံးသားကိုငြင်းပယ်နေရတာလဲ။ ‎ ‎နောင်ဘဝဆိုတာကို ကျွန်မ အလိုမရှိပါဘူး... ဒီတသက်၊ ဒီဘဝမှာပဲ အရှင်ဘုရားနဲ့ ဆုံဆည်းခွင့်ရချင်တာပါ။ ‎ ‎စည်းစိမ်ဥစ္စာတွေ၊ ဘုရင်မဆိုတဲ့ ဂုဏ်ပုဒ်တွေကို မမက်မောပါဘူး။ ‎ ‎ကျွန်မ မြတ်နိုးတာက အရှင်ဘုရား တယောက်တည်းကိုပါ... ဒီစကားလေးတွေဟာ ဘုရင်မကြီးရဲ့ အနက်ရှိုင်းဆုံး မေတ္တာ‌တောင်းဆိုမှုတွေဖြစ်သလို၊ ဆရာတော် ထန်စန်းအတွက်လည်း လောကီတွယ်တာမှု ချစ်မေတ္တာနဲ့ သာသနာပြုခရီးကြား အခက်ခဲဆုံး ရွေးချယ်မှု ဖြစ်စေခဲ့ပါတယ်။ ‎ ‎ဆရာတော်ဟာ ဘုရားသားတော်ပီပီ တရားနဲ့ ထိန်းချုပ်ခဲ့ပေမဲ့ လူသားတယောက်အနေနဲ့တော့ တုန်လှုပ်ခဲ့ရတာ အမှန်ပါ။ ‎ ‎ဆရာတော်က မြင်းပေါ်တက်ခါနီး ဘုရင်မကြီးကို နောက်ဆုံးတချက် ပြန်ကြည့်သွားတဲ့ အကြည့်လေးကနေ ဘာတွေများ ပြောသွားခဲ့တာ ဖြစ်မလဲ... ‎ ‎ဒကာမကြီးရဲ့ စကားလုံးတွေက ငါ့ရဲ့ ဝိညာဉ်ကို တုန်ခါစေခဲ့ပါတယ်။ ငါဟာ ဘုရားသားတော်တပါး ဖြစ်ပေမဲ့ သစ်သားတုံး၊ ကျောက်ခဲတုံး မဟုတ်ခဲ့ပါဘူး။ ‎ ‎ 'နောင်ဘဝ' ဆိုတာကို ဒကာမကြီးက မလိုချင်ဘူးလို့ ဆိုခဲ့ပေမဲ့... ငါ့အတွက်တော့ ဒီဘဝဟာ သတ္တဝါဝေနေယျတွေကို ကယ်တင်ဖို့ အပ်နှင်းထားပြီးသားမို့ ကိုယ့်အတွက်ကိုယ် ပိုင်ဆိုင်ခွင့် မရှိခဲ့ပါဘူး။ ‎ ‎ဒကာမကြီးရဲ့ မျက်ဝန်းတွေကို ကြည့်လိုက်ရတဲ့ ခဏမှာ ငါ့ရဲ့ ခရီးစဉ်တွေကို စွန့်လွှတ်လိုက်ချင်တဲ့ စိတ်တွေ တဖွားဖွား ပေါ်ပေါက်ခဲ့တာဟာ ငါ့ဘဝရဲ့ အကြီးမားဆုံးသော စမ်းသပ်မှုပါပဲ။ ‎ ‎ဝူခုန်းတောင်လာကယ်လို့မရနိုင်တဲ့ ငါကိုယ်တော်ရဲ့ အတွင်းစိတ်တိုက်ပွဲပဲပေါ့။ ဒီတသက်၊ ဒီတဘဝမှာ ငါတို့ ဆုံဆည်းဖို့ ကံမပါခဲ့ဘူး။ ငါ့ရဲ့ ပခုံးပေါ်မှာ တင်ထားတဲ့ သာသနာ့တာဝန်တွေက လေးလံလွန်းလှပါတယ်။ ‎ ‎ငါ မျက်လုံးမှိတ်ထားခဲ့တာဟာ ဒကာမကြီးကို မမြင်ချင်လို့ မဟုတ်ပါဘူး... ဒကာမကြီးရဲ့ အလှအပနဲ့ မေတ္တာတွေကြားမှာ ငါ့ရဲ့ရည်မှန်းချက်တွေ အရည်ပျော်ကျသွားမှာကို ကြောက်ရွံ့ခဲ့လို့ပါ။ ‎ ‎ တကယ်လို့... တကယ်လို့သာ နောင်ဘဝဆိုတာ ရှိခဲ့ရင်... အဲဒီဘဝမှာတော့ ငါဟာ ဘုရားသားတော် မဟုတ်ဘဲ၊ လောကီစည်းစိမ်တွေကို မက်မောတဲ့ သာမန်လူသားတယောက်ပဲ ဖြစ်ပါရစေ။ ‎ ‎ အဲဒီအခါကျမှပဲ ဒကာမကြီးရဲ့ မေတ္တာကို အပြည့်အဝ တုံ့ပြန်ပါရစေတော့။ အခုတော့... ငါ့ကို ခွင့်လွှတ်ပါ။ မေတ္တာဆိုတာ အချုပ်အနှောင် မဟုတ်ဘဲ လွတ်မြောက်ခြင်း ဖြစ်ပါစေသား..." ‎ ‎(ရှင်းလင်းချက်- ဤဇာတ်ဝင်ခန်းသည် ဆရာတော် ကျော်ဖြတ်ခဲ့ရသော ဒုက္ခ ၈၁ ပါးအနက် တန်ခိုးရှင်များ မကယ်တင်နိုင်သည့် မိမိကိုယ်တိုင် တိုက်ရသော "အနူးညံ့ဆုံးနှင့်အခက်အခဲဆုံး‌" ဒုက္ခတပါးပင်ဖြစ်သည်) Original Series: Journey to the West (1986) Character: Queen of Womanland (Zhu Lin) Music: Nu Er Qing (女儿情) Disclaimer: I do not own the rights to this video/music. All rights belong to the original creators. (ဒီဗီဒီယိုနဲ့ သီချင်းရဲ့ မူပိုင်ခွင့်ကို ကျွန်ုပ်မပိုင်ဆိုင်ပါ။ မူရင်းဖန်တီးသူများသာ ပိုင်ဆိုင်ပါသည်။) Just,Fan Edit by [怀旧颜选] Caption- audiobook by layaung "Color Graded & Re-edited for a cinematic look" #JourneyToTheWest1986 #SunWukong #journeytothewest #kingdomwoman #tangsanzang - @audiobook.by.layaung1.2