@zakwan7754: လနှင့် ကြယ် ပူးကပ်ခြင်း အပေါ် အစ္စလာမ်၏ အယူအဆစကြဝဠာထဲက အရာအားလုံးကို ဖန်ဆင်း စီမံကွပ်ကဲနေသူဟာ အလ္လာဟ်အရှင်မြတ် တစ်ပါးတည်းသာ ဖြစ်ပါတယ်။ အရှင်မြတ်ရဲ့ နိယာမ အမိန့်တော် မပါဘဲ မည်သူမျှ မိမိထံ ကောင်းခြင်း၊ ဆိုးခြင်းကို ယူဆောင်မလာနိုင်ပါဘူး။ ကြယ်တွေ၊ လတွေ၊ ဂြိုဟ်တွေဟာ မိမိတို့ဘာသာ မည်သည့် ကောင်းကျိုး/ဆိုးကျိုးကိုမှ ဖန်တီးနိုင်စွမ်း မရှိကြပါဘူး။ လနှင့် ကြယ် သို့မဟုတ် ဂြိုဟ်များ တစ်တန်းတည်း ကျရောက်ခြင်း၊ ပူးကပ်ခြင်းဆိုတာ နက္ခတ္တဗေဒအရ ပုံမှန်ဖြစ်ပေါ်လေ့ရှိတဲ့ သဘာဝ ဖြစ်စဉ်တစ်ခုသာ ဖြစ်ပါတယ်။ ဒါဟာ အလ္လာဟ်အရှင်မြတ်ရဲ့ တန်ခိုးတော်နဲ့ ဖန်ဆင်းမှု အလှတရားကို ဖော်ပြနေတာဖြစ်ပြီး မကောင်းသော နိမိတ်၊ ကပ်ဘေး သို့မဟုတ် အကုသိုလ် ဖြစ်စရာ အကြောင်း လုံးဝ မရှိပါဘူး။ လနဲ့ ကြယ်ပူးရင် ကပ်ဘေးကျမယ်၊ စစ်ဖြစ်မယ်၊ ကံဆိုးမယ် ဆိုပြီး အတိတ်နိမိတ်ဆိုး ကောက်ယူတာဟာ အစ္စလာမ် မတိုင်မီ ဂျာဟိလိယဟ် အမှောင်ခေတ်က အယူသီးမှုဆိုးတစ်ခု ဖြစ်ပါတယ်။ တမန်တော်မြတ် (ဆွ) မိန့်တော်မူခဲ့ပါတယ် - لَا عَدْوَي وَلَا طِيَرَةَ فِي الإسْلَامِ အစ္စလာမ် သာသနာတွင် ကူးစက်ရောဂါကြောင့် အလိုအလျောက် ဘေးကျသည်ဟူ၍ လည်းကောင်း၊ အတိတ်နိမိတ်ဆိုး ကောက်ယူခြင်းဟူ၍ လည်းကောင်း လုံးဝ မရှိပါ။(မွတ်စလင်မ်) ရှိုင်တွာန်ဟာ ဒီလို အယူသီးမှုတွေကို စိတ်ထဲထည့်ပေးပြီး အလ္လာဟ်အရှင်မြတ်အပေါ် ထားရှိတဲ့ မိမိတို့ရဲ့ အီမာန်ယုံကြည်မှုကို ယိမ်းယိုင် အားနည်းသွားအောင် လုပ်ဆောင်တာ ဖြစ်ပါတယ်။ မွတ်စ်လင်မ်တစ်ယောက်၏ အဓိက တာဝန်မှာ အလ္လာဟ်အရှင်မြတ်အပေါ်၌သာ အပြည့်အဝ သဝက္ကုလ်ယုံကြည်အားကိုးမှုထားရှိရန် ဖြစ်ပါတယ်။ ဒီလို ကောင်းကင်ယံ ဖြစ်စဉ်တွေကို မြင်တွေ့ရတဲ့အခါ စိုးရိမ်ထိတ်လန့်စရာ မလိုဘဲ အရှင်မြတ်၏ တန်ခိုးတော်ကို အောက်မေ့ကာ "စွဗ်ဟာနလ္လာဟ်"ဟု ရွတ်ဆိုရပါမယ်။ မိသားစု သို့မဟုတ် ပတ်ဝန်းကျင်က ဒီအပေါ် အယူသီးနေရင်လည်း ပညာဉာဏ်ဟိက်မသ်နဲ့ မေတ္တာရှေ့ထားပြီး အယူအဆမှားတွေကို ပြုပြင်ပေးရပါမယ်။ အချုပ်ပြောရရင် လနှင့် ကြယ် ပူးကပ်ခြင်း အပါအဝင် မည်သည့် သဘာဝဖြစ်စဉ်မှ အတိတ်နိမိတ်ဆိုး ကောက်ယူခြင်း မပြုပါနဲ့။ လိုင်းပေါ်က အခြေအမြစ်မရှိတဲ့ ကြောက်လန့်ဖွယ် သတင်းအမှားတွေကို မယုံဘဲ အလ္လာဟ်အရှင်မြတ်အပေါ်မှာပဲ စိတ်အေးချမ်းစွာ ယုံကြည်အားကိုးကြရအောင်ပါ။

489

2026-09-15 11:19:39

2026-09-15 11:10:41

To see more videos from user @zakwan7754, please go to the Tikwm homepage.