@kh0dm: خوایە گیان، لەم دنیایەدا کە پڕییەتی لە تاقیکردنەوەی سەخت و برینی گران، من ئامادەم بەرهەڵستی هەموو زریانێک ببمەوە. خوایە، ئەگەر بڕیارە تاقیم بکەیتەوە، بە دووری و نەبوونی هەمووان تاقیم بکەرەوە؛ بە ساردبوونی پەیوەندییەکان، بە ڕۆیشتنی ئەوانەی ڕۆژێک لە ڕۆژان پێم وابوو بەبێ ئەوان ناژیم، بە بەتاڵبوونی دەورەبەرم لە هەموو هاوڕێ و خۆشەویستێک... باملەم، دڵم، و سەرتاپای بوونم فێری بەرگەگرتنی تەنیایی و ئازاری دووری بێت. بەڵام خوایە گیان، تەنها باوکم نەبێت... تەنها لە تاڵی و ڕەشیی نەبوونی ئەو بمپارێزە. باوکم تەنها مرۆڤێک نییە لە ژیانمدا، ئەو کۆڵەکەی ڕۆحمە؛ ئەو تاقە پەناگەیەیە کە هەموو ڕەشەباکانی ژیانی لەسەر دەرگا و پەنجەرەی دڵم دوورخستووەتەوە. خوایە، من فێرنەبووم دوای کوژانەوەی چرای چاوەکانی باوکم هەنگاو بنێم. ئەگەر ئەو نەبێت، هەموو شەقامەکان ڕوو لە تاریکی دەکەن، هەموو ماڵەکە دەبێتە کەلاوەیەکی سارد و بێدەنگ، و منیش دەبمە تەنیاکانی ناو تاریکی. دەستەکانی باوکم، ئەو دەستە ماندووانەی کە هەمیشە بۆن سەربەرزی و میهرەبانییان لێدێت، تاقە هۆکارن کە وادەکەن هێشتا بڕوام بە ئارامیی ئەم دنیایە هەبێت. خوایە گیان، دڵتەنگی و شکانی هەموو پەیوەندییەکانی دنیا لەسەر شانم دابنێ، با هەموو خەمەکانی زەوی لە سینەی مندا بنیشن، بەڵام قەت وڵامی نوێژەکانم بە ماندوێتی و ئازاری باوکم مەدەرەوە. من بەبێ باوکم، وەک منداڵێکی بێ نیشتمانم لە ناوەڕاستی زریاندا؛ کە ئەو بزەیەک دەکات، هەست دەکەم دنیا هێشتا جێگەی ژیانە، و کە بە میهرەبانییەوە لێم دەڕوانێت، هەموو ترسەکانی تەمەنم دەتوێنەوە. خوایە، بە فەوتانی هەموو ئاواتەکانم تاقیم بکەرەوە، بەڵام سایەی سەری باوکم لەسەر ژیانم کەم مەکە. چونکە بەبێ باوکم، من نهێنی سەرپێوەستانی خۆم لەدەست دەدەم و دەبمە سێبەرێکی بەتاڵ کە لە هیچ کوێی ئەم گەردوونەدا جێگەی نابێتەوە.#30ta #kh0dm #foryou #ar

𝟥𝟢𝗍𝖺

Open In TikTok:

Region: IQ

Tuesday 15 September 2026 09:30:19 GMT