Ee Bwana Mwenyezi Mungu, Mungu wa majeshi, ninakushukuru kwa ajili ya uzima, afya, na neema yako kuu juu ya maisha yangu, maana Wewe ndiye unayetupa nguvu za kupata utajiri na kufanikiwa. Baba wa mbinguni, nasimama mbele yako nikiomba rehema kwa makosa yangu yote, na ninaomba usafishe njia zangu ili zisiwe kikwazo cha mafanikio yangu.🙏🏻🙏🏻🙏🏻 Kwa jina lenye nguvu la Yesu Kristo, ninaamuru kila mlango wa biashara na kazi yangu uliokuwa umefungwa au kucheleweshwa ufunguke sasa hivi, na ninaachilia roho ya mafanikio, ustawi, na uvumbuzi katika kile ninachokifanya. Ee Bwana, ninaomba kibali chako kikubwa kinizunguke kama ngao; kila mahali 🙏🏻ambapo jina langu au la biashara yangu linapotajwa, naomba neema ya kibali cha pekee mbele za wateja, wakuu wa kazi, na jamii inayonizunguka. Ninaomba kuinuliwa kutoka kiwango kimoja kwenda kingine kikubwa zaidi, na ninakemea kila aina ya kushuka au kukwama katika jina la Yesu.🙏🏻🙏🏻 Ninaweka kazi na biashara yangu mikononi mwako, ukabariki bidii ya mikono yangu na kunilinda dhidi ya hasara, husuda, na mipango yote ya adui. Ninaamini na kupokea kwa imani kwamba nimefunguliwa njia na nimeinuliwa. Katika jina la Yesu Kristo nimeomba na kuamini, Amina.🙏🏻🙏🏻🙏🏻 - @christinelast.born