Беларусь теннисшісі Арина Соболенко US Open финалындағы әрекеті үшін 7,5 мың доллар көлемінде айыппұл арқалады. Шешуші кездесуде Соболенко Қазақстанның бірінші ракеткасы Елена Рыбакинадан 4:6, 7:5, 2:6 есебімен жеңілді. Финал барысында Соболенко эмоциясын бірнеше рет тежей алмады. Бірінші сетте допты ашумен корт сыртына ұрып жібергені үшін төрешіден ескерту алды. Матч аяқталғаннан кейін де ашуын баса алмаған теннисші ракеткасын сындырып, өзін түсіріп тұрған телеоператорға балағат сөз айтқан. Кейін баспасөз мәслихатында Соболенко жеңілісін мойындап, өзінің ойынына көңілі толмағанын айтты. Оның сөзінше, Рыбакина финалда өте жақсы доп беріп, агрессивті ойнаған әрі сол күні мықтырақ болған. Турнир қорытындысында Рыбакина WTA рейтингінде алғаш рет әлемнің бірінші ракеткасы атанды. Ал Соболенконың рейтинг көшіндегі 99 апталық кезеңі аяқталды. Айта кетейік, биыл US Open тарихындағы ең ірі жүлде қоры тігілді. Әйелдер арасындағы жекелей сында чемпион атанған Рыбакина 5,5 млн доллар алса, финалист Соболенкоға 2,8 млн доллар берілді. Осы тұрғыдан алғанда, 7,5 мың долларлық айыппұл оның турнирден алған жүлдесінің шамамен 0,27%-ына тең. - @stan.kz