@__she_nu: මම පිහාටු එකතු කරනවා… 🪶 ඒ ඇයි කියලා සමහරවිට මටවත් හරියට කියන්න බැහැ. මට ඒවා නිකම්ම පාරකින් හම්බෙන පිහාටු නෙවෙයි. මට ඒවා සොබාදහමෙන් ලැබෙන පුංචි තෑගි වගේ. 🤍 සමහර පිහාටු මට හම්බෙන්නේ ලස්සන දවසක. සමහර පිහාටු හම්බෙන්නේ මං දුකින් ඉන්න දවසක. ඒ වෙලාවට ඒ පුංචි පිහාටුව අතට අරගෙන මං ටිකක් වෙලා ඒ දිහා බලන් ඉන්නවා… “මේකත් මට අද හම්බුණු පුංචි තෑග්ගක්…” කියලා හිතනවා. 🪶 මට හිතෙන්නේ සොබාදහම කියන්නේ ජීවිතේ අපිට ලැබුණු ලොකුම තෑග්ගක්. 🌿 මං සොබාදහම දිහා බලලා ජීවිතේ සාර්ථක කරගන්න හැටිත් ඉගෙන ගන්නවා. ගස් දිහා බලලා — මාව ශක්තිමත් කරගන්න. මල් දිහා බලලා — ලස්සන වෙන්න කාලයක් යන බව. කුරුල්ලන් දිහා බලලා — නිදහස. ගඟක් දිහා බලලා — මඟක් වැහුණත් නවතින්නේ නැතුව වෙන මඟක් හොයාගෙන යන්න. ඒ වගේම පිහාටුවක් දිහා බලලා හැම දෙයක්ම අල්ලගෙන ඉන්න ඕනේ නැහැ කියලා ඉගෙන ගන්නවා. 🪶 සමහර දේවල් අපි කොච්චර කැමති වුණත් අපි ළඟ තියාගන්න බැහැ. සමහර මිනිස්සු යනවා. සමහර දේවල් වෙනස් වෙනවා. සමහර හීන අපි හිතපු විදිහට සිද්ධ වෙන්නේ නැහැ. ඒත් ඒ හැමදේම අතරින් ජීවිතය අපිට තවත් දෙයක් උගන්වනවා… අතහැරීම කියන්නේ හැම වෙලාවෙම පරාජයක් නෙවෙයි. සමහර වෙලාවට ඒක ඉස්සරහට යන්න ලැබෙන නිදහසක්. 🤍 මං ඒවා එකතු කරන්නේ මගේ ජීවිතේ ලස්සන පුංචි මොහොතවල් එකතු කරගන්න. මට ලැබුණු තෑගි… මට දැනුණු හැඟීම්… මං දරාගත්ත දවස්… මං ඉගෙනගත්ත පාඩම්… ඒ හැමදේම මට මතක් කරගන්න. 🤍 ආකර්ෂණ නීතිය ගැන මං විශ්වාස කරන ලස්සන දෙයක් තියෙනවා… අපි අපේ අවධානය දෙන දේවල් අපේ ජීවිතේ තවත් පැහැදිලිව පේන්න පටන් ගන්නවා. ඒ නිසා මං මගේ ජීවිතේ නැති දේවල් ගැන විතරක් බලන්නේ නැහැ. මට තියෙන දේවල් දකිනවා. පුංචි තෑගි දකිනවා. සොබාදහම දකිනවා. මට ලැබෙන පුංචි ලස්සන මොහොතවල් දකිනවා. මොකද… ජීවිතය ලස්සන වෙන්නේ හැමදේම ලැබුණාට පස්සේ නෙවෙයි. අපිට දැනටමත් ලැබිලා තියෙන ලස්සන දේවල් දකින්න පටන් ගත්ත දවසේ ඉඳන්. 🪶🌿🤍 @Layesh Fernando @Layesh Fernando @Universe With Mandakini✨🧿 @Universe In You #lawofattraction #viraltiktok #fy #fypage #trend

𝐍𝐨𝐯𝐚'𝐬 𝐃𝐢𝐚𝐫𝐲 ☁️🦋🌳

Open In TikTok:

Region: LK

Tuesday 15 September 2026 11:47:07 GMT