@kidu_works: Mfadhili na Rais wa Mighty Wanderers, Dkt. Thomson Mpinganjira, amesusa kuendelea kubeba majukumu ya kifedha na kiutawala ndani ya klabu hiyo, baada ya kukerwa na kipigo cha 6-1 dhidi ya Simba SC, kilichofanya Wanderers kupoteza kwa jumla ya 7-1. Kupitia barua yake, Mpinganjira amesema amesikitishwa na kiwango cha wachezaji, akimlenga zaidi kipa wa timu hiyo, pamoja na benchi la ufundi kwa kushindwa kufanya mabadiliko ya kimkakati kwa wakati. Amesema amekuwa akiwekeza fedha na rasilimali nyingi kwenye klabu hiyo, lakini kiwango cha kujituma uwanjani hakijaendana na uwekezaji wake. Mpinganjira amesema kuanzia sasa ataendelea kuwa mshabiki wa Wanderers, lakini hatabeba tena mzigo wa kifedha na kiutawala wa klabu hiyo. #tiktoktanzania🇹🇿 #simbasc #trending #viral #fyp