@pressauzb: O‘zbekistonda pensiya yoshini bosqichma-bosqich uch yilga oshirish taklif qilindi. Prezident farmoni loyihasi Iqtisodiyot va moliya vazirligi tomonidan jamoatchilik muhokamasiga qo‘yildi. Loyihaga ko‘ra, o‘zgarishlarni 2028-yil 1-yanvardan boshlash rejalashtirilmoqda. Pensiya yoshi har yili uch oyga oshirib boriladi. Natijada 2039-yilga kelib, pensiya yoshi erkaklar uchun 63 yosh, ayollar uchun 58 yosh bo‘lishi mumkin. Hozirda umumiy pensiya yoshi erkaklar uchun 60 yosh, ayollar uchun 55 yoshni tashkil etadi. Shuningdek, 2027-yil 1-yanvardan pensiyani belgilangan yoshni bir yilga qisqartirish tartibini bekor qilish taklif etilmoqda. Pensiya yoshiga yaqinlashgan fuqarolar uchun ayrim kafolatlar ham nazarda tutilgan. Jumladan, ish beruvchiga xodimni faqat pensiya yoshiga yaqinligi sababli ishdan bo‘shatish yoki ishga qabul qilmaslik taqiqlanadi. Rasman ishsiz deb topilgan fuqarolarga muddatidan oldin pensiyaga chiqish imkoniyati ham saqlanib qoladi. Yer osti ishlarida hamda zararli va og‘ir mehnat sharoitlarida ishlagan fuqarolar uchun imtiyozli pensiya olish huquqi ham saqlab qolinishi rejalashtirilgan. 📌 Muhim: bu hozircha faqat loyiha. Hujjat hali kuchga kirgani yo‘q. Jamoatchilik muhokamasi 2026-yil 30-sentabrgacha davom etadi.

Pressa – O’zbekiston xabarlari

Open In TikTok:

Region: UZ

Tuesday 15 September 2026 12:44:29 GMT