@umarkabirian: آج دل بہت بوجھل ہے۔ میں نے الماری کھولی تو کھولتے ہی سامنے عمر کے گلاسز رکھے ہوئے تھے۔ میں نے وہ گلاسز اٹھائے تو نہ جانے کیوں، دل جیسے قابو میں ہی نہ رہا۔ میں بے اختیار، دیوانہ وار محمد عمر کو پکارنے لگی۔۔۔ محمد عمر۔۔۔ محمد عمر۔۔۔ اور پھر اُس کا وہی معصوم سا چہرہ میری نظروں کے سامنے آ گیا، اور سب منظر دھندلانے لگا۔ وہی چہرہ جسے دیکھتے ہوئے کبھی خیال بھی نہیں آیا تھا کہ ایک دن یہی چہرہ صرف یادوں میں رہ جائے گا۔ وہی آنکھیں، وہی معصومیت، وہی میرا معصوم سا بچہ۔۔۔ ایک لمحے کے لیے دل نے جیسے یقین کر لیا کہ تم یہیں کہیں ہو۔ ابھی میری آواز سنو گے، ابھی پلٹ کر آؤ گے، ہمیشہ کی طرح میری طرف دیکھ کر کہو گے "جی، مما جانی۔۔۔" مگر گھر کی خاموشی۔۔۔ وہ گہرا سناٹا۔۔۔ مجھے چیخوں کی طرح سنائی دیا۔ تمہاری آواز نہیں آئی۔ بھلا بچے بھی ماں باپ کو چھوڑ کر جاتے ہیں کیا ؟؟؟؟ بھلا ماں باپ بھی بچوں کو دفناتے ہیں کیا ؟؟؟؟ بھلا ماں باپ بھی قبروں پر پھول ڈالتے ہیں کیا ؟؟؟؟ بھلا ماں باپ بھی اپنے بچوں کے جنازے اٹھاتے ہیں کیا ؟؟؟ اولاد کو غم اٹھانا چاہیے نا کہ ہماری ماں چلی گئی۔۔۔ اولاد کو جنازہ اٹھانا چاہیے نا، نا کہ ماں اپنے بچے کا جنازہ اٹھتا دیکھے۔ اولاد کو ماں کی قبر پر پھول ڈالنے چاہئیں نا نا کہ ماں اپنے بچے کی قبر پر پھول ڈالے۔ بھلا ایسے بھی ہوتا ہے کیا ؟؟؟ ہے کوئی اصول ایسا کہ مائیں بیٹھی رہ جائیں اور اولاد چلی جائے؟؟؟؟ میں نے تمہیں آواز دی تھی نا، محمد عمر۔۔۔ پلٹ کر آواز تو دینی تھی نا چاند بیٹے۔ پلٹ کر جواب تو دینا تھا نا پیارے۔ میں نے ایک آواز دی۔۔۔ پھر خاموش ہو گئی۔ ایک لمحہ رکی۔۔۔ دل کو جیسے یقین تھا کہ شاید ابھی تمہاری آواز آئے گی۔ شاید تم کہو گے "جی، مما جانی۔۔۔" مگر جواب میں صرف خاموشی تھی۔ پھر میں نے دوبارہ پکارا۔ محمد عمر۔۔۔ پھر سے پکارا۔ پھر ایک بار اور۔۔۔ اور پھر میں تمہیں بے اختیار پکارتی ہی چلی گئی۔ شاید دل ابھی تک یہ ماننے کو تیار نہیں کہ میری آواز کے پلٹتے ہی تمہاری آواز بھی پلٹ کر نہیں آئے گی۔ مگر تمہاری آواز نہیں آئی۔ میں پکارتی رہی۔۔۔ اور گھر کا سناٹا چیخ چیخ کر ہر بار مجھے یہی بتاتا رہا کہ اب میری آواز کا جواب دینے والا اس گھر میں نہیں ہے۔ وہ گلاسز آج بھی میرے ہاتھ میں تھے، مگر میری آنکھوں کے سامنے صرف تم تھے۔ دل بار بار کہہ رہا تھا محمد عمر۔۔۔ میرے بچے۔۔۔ دیکھو، مما جانی تمہیں بلا رہی ہیں۔ ایک بار پلٹ کر آ جاؤ نا۔۔۔ مگر تم نہیں آئے۔ بھلا کوئی ایسے بھی جاتا ہے کیا ؟؟؟؟ بھلا ماں کو اتنی لمبی جدائی بھی کوئی دیتا ہے کیا؟؟؟ محمد عمر۔۔۔ میرے بچے۔۔۔ میں نے تمہیں آواز دی تھی۔۔۔ تمہیں پلٹ کر آواز تو دینی چاہئے تھی نا۔ تمہیں جواب تو دینا چاہیے تھا نا۔۔۔ اتنی لمبی خاموشی ایک ماں کیسے سہہ سکتی ہے یار؟؟؟؟؟💔

M.Umar Malik

Open In TikTok:

Region: PK

Tuesday 15 September 2026 14:39:32 GMT