دكتور حيدر القريشي
Region: IQ
Tuesday 15 September 2026 18:47:40 GMT
201355
10578
729
454
Music
Download
Comments
باقر :
عام 1990 اني طالب في جامعة بغداد كلية الادارة والاقتصاد... اني من اهل كربلاء كملنا امتحان لازم ارجع للبيت بكربلاء كان عندي مبلغ 450 فلس يعني اقل من نص دينار والكروة الى كربلاء 500 فلس رحت مشي للعلاوي من شارع المغرب للعلاوي .. وصلت للكراج فلوسي نقص 50 فلس استحيت اگول للسايق.. بس كان اكو سايق ابن حلال منتبه عليا هواي ضليت واگف لان كنت لابس ابيص ورصاصي وشايل جنطة وكتب يعني طالب جامعي.. شاورني كالي تعال اصعد وياي اني اوصلك وبلاش اتمنى اشوف هذا السايق.. واكوله هذا الشاب الصغير الفقير الطالب هسه استاذ جامعي وبلقب علمي استاذ دكتور... والف الحمدلله والشكر
2026-09-15 20:17:21
938
دكتور حيدر القريشي :
تعرفون ليش اجيت مشي لأن حتى بالبيت ماعندي
2026-09-15 19:38:48
846
علي جواد :
٢٠١٥ طالب اقسام داخليه كان الوقت متاخر رجعت من بره اني واصدقاء وياي كنت اني مانازل للبيت لان اهلي بناصرية ماكدر انزل هواي واني بالكوفه تنزل المحافظات القريبه وصلت الغرفه عندي اكل يكفي شخص حضرته اريد اتعشه لان بلا غده كلش جوعان والحاله الماديه زفت وقته وشتاء وليل خليت العشه عل ثلاجه ودخلت اغسل ايدي وطلع صعد الي صديق كالي علي ميت جوع اني والي وياه صديقه بغرفته وماعدنه اي شي كتله اي سهله اخذ العشه هذا كالي وانته باوعت الاكل كلش قليل مال نفر وهمه اثنين كتله اني تعشيت الحمد لله وهذا الباقي ردت اضمه تعشو بي اخذه واني بقيت بلا اكل الاشخاص نفسهم هس ما يشيل موبايله ويكول ها خويه الله يساعدك الحمد لله رب العالمين
2026-09-16 23:56:47
44
احـــ𝕞𝕒𝕟𝕤𝕠𝕣ــمد :
سنه 2011 طالب بجامعه بغداد الي تبعد عن بيتنا مسافه طويله وماكو بجيبي بس فلوس الكروه * الكيا واغلب الايام ماروح للدوام علمود الكروة واطلع اشتغل عماله وبنهايه الاسبوع احاول اجمع علمود اشتري الملازم واستنسخ ومرات اضطر اكتب المحاضرات علمود مااصرف الف دينار على الملزمه واروح وارجع بطل مي بربع مااشتري لان جنت طالب ومسؤول عن مصرف البيت وادفع ايجار 💔 بعد مرور سنوات صرت بالمكان الي استاهله وحققت كل شي بنفس الانسان بس غصة ذيج الايام بعدها بگلبي لان حتى حفلات التخرج ماحضرتها
2026-09-16 02:19:57
177
الاقحوان :
جانت الناس فقره وتستحي تكول لأن عدهم عزه نفس
2026-09-15 22:53:20
158
ENG_Hisham Al-Qurashi :
جنت راجع يوم خميس من الكلية بغداد لواسط كروتهة 10وجان عندي بس 8متت عطش جانت حارة والله كمت بس اباوع على لمي رحت لبو تكسي وكتلة عدي بس 8كال ابشر وضليت كاعد بسيارة واباوع من جامة شون يشربون مي كلش عطشان جنت وضليت عطشان لبيتنة الحمدالله تخرجت وهسة بنص لخير الف مليون الحمدالله
2026-09-15 22:33:36
139
ُ I'm content with myself. :
مواقف حفرت آثار بنفوسنا تره اغلبنا عندنا مشاكل نفسيه بسبب فقرنا
2026-09-15 22:21:27
63
فاطـمة :
بابا دائما يسولفلنا شلون هو عايش بالريف بعيد عن مدرستة ويوميا الصبح يروح مشي ويرجع مشي والكلاب اجلكم الله تعترض طريقة دائما وجان بس هو من منطقتة يدرس لان حيل صعب عليهم هم فقر وهم بُعد ، بابا كمل دراستة بتفوق حدما وصل للسادس توفى والدة وماكدر يكمل عاد السنة وبوكتة ينقصون اليعيد ٥ درجات وجاب بالثمانين بالسنة الثانية وجان ينقبل صيدلة بس نقصوه مع الاسف وراح علوم ، رجع الصار ويا بابا صار وياي وبابا توفى واني بالسادس باصعب فترة بس اني كملت وجبت معدل ٩٦.٤٣ وانقبلت طب اسنان ، هذا كلة لان هو والدي
2026-09-16 21:23:56
45
السجاد كاظم :
اتذكر جنت طالب بمعهد الأدارة واشتغل بمحل ملابس عامل جانت اسبوعيتي ٧٠ الف هاي ال٧٠ الف اطلع منها كراوي ومصرف للمعهد وحليب وحفاظات لبنتي مرة من المرات بقت اخر خمس الف بجيبي رحت بيهن من الشعب لباب المعظم نفرات بخمسمية ورجعت بخمسمية لصليخ للمحل بقن٤ الف اشتريت ب٣ الف غده ضل الف خليت من الشغل ب١٢ بليل رجعت لراس الشارع ماكو نفرات رجعت مشي من جسر صليخ للشعب يم سوق شلال وصلت للبيت ب1.30 والحمدالله هسه اني صاحب محل ملابس فتحت محل والله رزقني كله بزود ابوية الله يحفظة❤️
2026-09-16 17:38:49
14
ليلى. :
اووف مرت علينه ايام تنشف الريج 🥺🥺🥺🥺
2026-09-16 11:04:23
10
ليان :
شنو هاي تعليقات مو يگولون قبل ايام الخير وين الخير! هسَه احسن بالف مرة
2026-09-17 02:13:22
16
🧲🗼🌍$ :
جان ماكو فلوس بس جان اكو ضمير واكو عزت النفس هسه شنو تختارون جيب فارغ لو مكارم الاخلاق
2026-09-16 15:14:20
15
mu93000093 :
يوم من الايام جان عندي قميص ابيض واحد بايام الابتدائية اجيت البسة واروح للدوام لكيتة وصخ .. لبست دشداشة بيضة وفوكاها البنطرون المصيبة مو هنا المصيبة الدشداشة تتلفلف جوة البنطرون 😆 ومرة كلت لامي انطيني ربع كابلتني وكعدت تبجي تكلي منين اجيبلك والله ماعندي فبديت ابيع ببسي واني بالخامس ابتدائي وراها اعتمدت على نفسي وشلت مسؤولية اهلي وهاي وحدة من الشغلات الي عشتها بايام الضيم وبقت عايشة بالذاكرة
2026-09-16 09:37:54
50
sill3_0 :
صار هذا الموقف ويايه اصعب شي البشر من يمر بازمه واللله بالطريق بجيت على تعبي وشهادتي وتالي كلشي ما اتحصل
2026-09-16 10:17:17
18
فاةزه :
في عام 2006 مبعد إنتهاء الدوام صعدت كوستر من بغداد الجديدة الى السيدية هي نهايتها كراج البياع صعدت الي يمي رجل يريد يدفع الكروة فلوسه ناقصه طلعهن من جيبه ويباوع بيده انحرج وبقى ساكت بدون ما اكلمه اي كلمه طلعت فلوس وخليت بيده بقى بس يباوع بدون ماينطق اي كلمه واني سويت نفسي عادي ماحسسته بأي شي
2026-09-16 15:16:59
8
عثمان الطائي :
جنت اروح للكلية ما اكل لكمة هناك واضل جوعان ما اريد اثقل على احد لان جنت ما اكدر اشتغل الوقت ميسمح يا دوب بالعطلة اجمع فلوس الكروة وحاليا الحمدلله خير من الله ❤️
2026-09-16 18:12:37
9
Aaaaalq :
اغلب العراقين مارين بهيج ضرف بس قريت تعليقك دكتور من كاتب حتئ بالبيت ماكو فلوس ستوقفني التفكير (وهلوسات التفكير اخذتني في مواطن عده وكتابات) الله المستعان ايام صنعت منك دكتوراً
2026-09-16 17:22:13
6
Ali Alrubaey :
لهذا السبب صرت دكتور انساني وتنطي نصائح بالمجان ومتفكر بالمادة وتحس بالفقير 🌹
2026-09-16 06:10:40
11
أثير العبودة :
مرة اجيت من الكلية بجيبي 1000 دينار صعدت من الموال لعدن ب500 بكوستر قديمات لان الجدد ياخذون 750 ومن عدن للشعلة ادعي مايجي عرف حتى ماادفعله 😂
2026-09-16 02:35:10
6
ريرو :
هاي لو اني اتلگه امي من الباب واكوم ابجي شلون رجعت مشي لان ماعندي كروه 😂 طبعاً هي من البر اخفاء حزنك عن والديك
2026-09-16 01:35:23
6
يا آل محمد :
الله يسلمك يا دكتور انت رجعت للبيت مشي بس اللي يروح للشغل مشي من مدينه الصدر ساحه النصر ما عنده كروه ويخجل يقول لامه لو لابوه انه انا ما عندي كروه ابوه متعصب وامه مريضه هاي شلون تحلها
2026-09-15 19:48:02
35
AMAY/آماي :
وداعتك كلنا مرينا بهاي الأمور واني منهم لسنوات امشي عدة كيلو مترات ذهاباً واياباً لتوفير لقمة العيش وحفظ ماء الوجه! وليس بالزمن البعيد هذا الكلام اي قبل 20 عام تقريباً, ولكن عوض الله رائع ومدهش فجازانِ ربي خير الجزاء وعوضني خير العوض عن التعب الي تعبتة بحياتي . اهم شي الواحد ما يتذمر ويبقى مقاوم و الله العوض الي رب العالمين يعوضة للأنسان الي يتمسك بمبادئة و نقاوة قلبة لا تعادل مال الدنيا كلة
2026-09-16 10:30:36
5
Lavender :
مرة صارت ب(ابني😢 وظل بالي ودنيا باردة رجع هلكان كتله ليش اتأخرت كال ازدحام الطريق وابو راد يكتله كله ماكو ازدحام قبل كم يوم كلي ماما تذكرين من اتأخرت رجعت مشي لان ضيعت فلوسي ومكتلكم😓
2026-09-16 00:03:30
14
Marwan Al Altmimi 🇮🇶 :
وانا اقرأ التعليقات اغلب الشعب العراقي مر في هذه الظروف الصعبة وخاصة في فترة التسعينات والثمانينات وانا متأكد اغلبنا مر مواقف عدة متشابه لوقف الدكتور لكن الحمدلله ايام مرة بحلوها ومرها الله لا يردها والي يكول ايام صدام خير وين الخير خلي يجي يشوف ويقرأ كيف كان يعيش اغلب الشعب العراقي
2026-09-16 04:35:39
5
🍀𝓜𝓸𝓱𝓪𝓶𝓶𝓮𝓭 🍁 :
ب٢٠٠٢اني صف ثاني متوسط جنه ساكنين بالدورة الحالة المادية كلش تعبانه اتحولنه لبيت بحي العامل وجان بس الكروة ينطوني طلعت من المدرسة جوعان كلش بحيث معدتي اتقرر من الجوع وجانت كافترية من جهة الثانية وريحه فلافل طكت بخشمي ماتحملت واصرف الكروة واجي لحي العامل مشي اهلي كالو ليش اتأخرت حجيتلهم الوضع انقهرو علية بس ماعدهم امكانية يزيدون الفلوس فوك الكروة وظليت مصر كلهم بس كروة ماريد انقل وهسة حاليا راتب والحمدلله على كل حال الموسيقى جنت اسمعة بشتاء
2026-09-15 19:59:08
31
To see more videos from user @drhayder72, please go to the Tikwm
homepage.
