@moon1111111k: ဒိဝါတပတိဂါထာတော်ကြီးသည် ဗုဒ္ဓဘာသာဝင်များအကြား “သဗ္ဗဇယမင်္ဂလာဂါထာတော်” သို့မဟုတ် “နေလဂါထာတော်” ဟု လူသိများပြီး ရွတ်ဖတ်ပူဇော်ပါက လာဘ်လာဘတိုးတက်ခြင်း၊ စီးပွားပွင့်လန်းခြင်း၊ ထီဆုကြီးများ မကြာမကြာ ပေါက်တတ်ခြင်း၊အလွန်ငွေဝင်စေခြင်း၊ ဘေးဥပဒ် အန္တရာယ် အသွယ်သွယ် ကင်းဝေးစေခြင်း၊ ကောင်းကျိုးချမ်းသာ ပြည့်ဖြိုးကာ ကျက်သရေ မင်္ဂလာအဖြာဖြာ တိုးတက်စေခြင်း ၊ကြံစည်သမျှ လိုရာဆန္ဒများ လျင်မြန်စွာပြည့်စုံခြင်း စသည့် ကောင်းကျိုးထူးများကို ရရှိစေနိုင်ပါသည်။ ဂါထာတော်၏ အဓိကကောင်းကျိုးများလာဘ်ရွှင်ငွေဝင်ခြင်း - စီးပွားရေး ညံ့ဖျင်းနေသူများ၊ ငွေကြေးအဆင်မပြေသူများအတွက် လာဘ်လာဘ ပွင့်လန်းစေပါသည်။ လိုရာဆန္ဒပြည့်ဝခြင်း - မိမိအလိုရှိရာ ကောင်းမွန်သော ဆုတောင်း၊ အကြံအစည်များ လျင်မြန်စွာ ဖြစ်မြောက်အောင်မြင်စေပါသည်။ ဘေးအန္တရာယ်ကင်းဝေးခြင်း - နေ့ရက်တိုင်းတွင် ကြုံတွေ့ရမည့် ဘေးဥပါဒ်ရန်စွယ်များနှင့် စိုးရိမ်ထိတ်လန့်စရာများကို ကွေကွင်းလွတ်မြောက်စေပါသည်။မျက်နှာပွင့်လန်းခြင်း - ဘုရားရှင်၏ တန်ခိုးတော်ကို ချီးမွမ်းရည်စူး၍ ရှိခိုးခြင်းဖြစ်၍ သူတစ်ပါးချစ်ခင်ခြင်း၊ လေးစားခြင်း ခံရစေပါသည်။ ထိရောက်စွာ ရွတ်ဖတ်ပူဇော်နည်းအချိန်မှန်ရွတ်ပါ - -နေ့စဉ် အိပ်ရာထချိန်နှင့် ညအိပ်ရာဝင်ချိန်များတွင် ပုံမှန် အနည်းဆုံး (၃) ခေါက်မှ (၉) ခေါက်အထိ ရွတ်ဆိုပါ။ -အဓိဋ္ဌာန်ဝင်ပါ - ထူးခြားသော အကျိုးကျေးဇူးကို ရရှိလိုပါက တစ်နေ့လျှင် အကြိမ်ရေ (၁၀၈) ကြိမ် သို့မဟုတ် မိမိတတ်နိုင်သလောက် အရေအတွက်သတ်မှတ်၍ အဓိဋ္ဌာန်ပြုရွတ်ဆိုနိုင်ပါသည်။ -မေတ္တာပို့ အမျှဝေပါ - ရွတ်ဆိုပူဇော်ပြီးတိုင်း ကုသိုလ်စွမ်းအားကို ကိုယ်စောင့်နတ်၊ အိမ်စောင့်နတ်များနှင့် ဝေနေယျသတ္တဝါအပေါင်းတို့အား မေတ္တာပို့ အမျှဝေပေးပါ။ သဗ္ဗဇယမင်္ဂလာ ဂါထာတော်ကြီး ********* ဒီဝါ တာပတိ အာဒိစ္စော၊ ရတ္တိမာ ဘာတိ စန္ဒိမာ။ သန္နဒ္ဓေါ ခတ္တိယော တပတိ၊ ဈာယီ တာပတိ ဗြာဟ္မဏော။ အထ သဗ္ဗ မဟောရတ္တိံ၊ ဗုဒ္ဓေါ တပတိ တေဇသာ။ တာဒိသံ တေဇသမ္ပန္နံ၊ ဗုဒ္ဓံ ဝန္ဒာမိ အာဒရံ။ နမက္ကာရာနုဘာဝေန၊ သဗ္ဗေ ပူရေန္တု သင်္ကပ္ပါ။ မြန်မာ အသံထွက်နည်း ဒိဝါတာပတိ အာဒိတ်စော၊ ရတ်တိမာ ဘာတိ စန်ဒိမာ။ သန်နတ်ဓော ခတ်တိယော တပတိ၊ ဈာယီ တပတိ ဗြာန်မဏော။ အထ သတ်ဗ မဟောရတ်တိန်၊ ဗုတ်ဓော တပတိ တေဇသာ။ တာဒိသံ တေဇသန်ပန်နံ၊ ဗုတ်ဓံ ဝန်ဒါမိ အာဒရံ။ နမက်ကာရာ နုဘာဝေန၊ သတ်ဗေ ပူရင်တု သင်ကပ်ပါ --အနက်အဓိပ္ပါယ်-- (၁) နေမင်းသည် နေ့အခါ၌သာ တောက်ပ၏။ လမင်းသည် ညဉ့်အခါ၌သာ တောက်ပ၏။ ရှင်ဘုရင်သည် မင်းမြှောက်တန်ဆာငါးပါး ဆင်ယင်ထားမှသာ တောက်ပ၏ (၂) ထိုသို့နေရော ညဉ့်ပါ ဘယ်ခါမလပ် တန်ခိုးရှိန်စော်အာနုဘော်တော်တို့ဖြင့်ထွန်းလင်းတောက်ပတော်မူသောဘုရားရှင်အား ဘုရားတပည့်တော်သည် ရိုသေမြတ်နိုးလက်စုံမိုး၍ ရှိခိုးကန်တော့ပါ၏ မြတ်စွာဘုရား ဤသိုရှိခိုးပူဇော်ရသော အကျိုးအားကြောင့် အလုံးစုံကုန်သော လောကီစီးပွါး အထွေထွေစည်းစိမ် ဥစ္စာရတနာ အထွေတို့နှင့် လျင်လျင်မြန်မြန် ပြည့်စုံနိုင်ရပါစေသား အရှင်မြတ်ဘုရား။ *ဂါထာတော်ဖြစ်ပါ်လာပုံ မြတ်စွာဘုရား သာဝတ္ထိပြည် ပုပ္ပာရုံကျောင်း မိဂါရမာတုပြဿဒ်၌ သီတင်းသုံးတော်မူစဉ် အရှင်အာနန္ဒာ၏ လျှောက်ထားမူကို အကြောင်းပြု၍ ဘုရားရှင်က ဤဂါထာကို ဟောကြားတော်မူပါသည်။ အရှင်အာနန္ဒာသည် သီတင်းကျွတ် လပြည့်နေ့ ဆည်းဆာအချိန်တွင် အနောက်ဂေါယာကျွန်း ယွန်းမည့်ဆဲဆဲ နေအရောင်၏ တင့်တယ်မှု အရှေ့လောကဓာတ်မှ ထွက်ပြူစ လမင်း၏တင့်တယ်မှုတို့ကို တွေ့မြင်နှစ်သက် ပီတိဖြစ်တော်မူသည်။ ထိုသို့ အာရုံခံစားမူ ဖြစ်နေစဉ်၌ စစ်အင်္ဂါလေးပါး ခြံရံကာ မင်းမြှောက်တန်ဆာ ဝတ်ဆင်လာပြီး ပန်းနံ့သာစွဲကိုင်လျှက် ဘုရားရှင်ထံ ရှေးရှု့လာနေသော ပသေနဒီကောသလ မင်းကြီး၏ တင့်တယ်မှုကို မြင်ရ၍လည်း နှစ်သက်ပီတိဖြစ်ရပြန်သည်။ ထို့ပြင် အရှင်အာနန္ဒာသည် ကာဠုဒါယီ ရဟန္တာမထေရ် စျာန်ဝင်စားသဖြင့် ကိုယ်တော်မှ အရောင်အဆင်းများ တောက်ပထွန်းပေါ်နေသည်ကို ဖူးမြင်ရပြန်ရာ နှစ်သက်ပီတိ ဖြစ်တော်မူပြန်လေသည်။ ထို့နောက် ဘုရားရှင်၏ အရောင်အဆင်း ထွန်းလင်းတောက်ပခြင်းမှာ အထက်ပါ နေမင်း လမင်း ရှင်ဘုရင် ရဟန္တာတို့ထက် သာလွန်လွှမ်းမိုး ထူးကဲကြောင်း တွေ့ရသဖြင့် ဘုရားရှင်အားလျှောက်ရာ ဘုရားရှင်က ဒိဝါတပတိ အစချီသော ဤဂါထာတော်ကို ဟောကြားတော်မူလေသည်။ #foryou #fyp #buddhistchant #peaceinpeace1 #သဗ္ဗဇယမင်္ဂလာဂါထာတော် respectfully crd to original creators 🙏🏻