@saw.kalaya.oo: ရွှေကူကနေ ဗန်းမော်ကိုတက်လာတဲ့ စစ်‌သင်္ဘောတစ်စီး တိုက်ခိုက်ခံရပြီး နစ်မြုပ် မှူးအိန်ဂျယ်လ်/MFP ၊စက်တင်ဘာ ၁၆ ကချင်ပြည်နယ် ရွှေကူမြို့မှ ဗန်းမော်မြို့ကိုတက်လာတဲ့ စစ်သင်္ဘောသုံးစီးကို KIA ဦးဆောင်တဲ့ ပူးပေါင်းတပ်ဖွဲ့တွေက ဒီကနေ့မနက်ပိုင်းမှာ တိုက်ခိုက်ခဲ့ရာ တစ်စီးနစ်မြုပ်ပြီး နှစ်စီးပြန်လှည့်သွားတယ်လို့ ရွှေကူနယ် စစ်ရေးသတင်းရင်းမြစ်တစ်ဦးက MFP ကို‌ပြောပါတယ်။ “မနက်ကတော့ ‌သုံးစီးရွှေကူကနေ ထွက်ပြီးတော့ နောင်ဘိုမရောက်ခင် ပြန်ခေါက်သွားတယ် 107 တစ်လုံးပစ်လိုက်တယ်။ မြုပ်တဲ့ဟာက နမ့်ခုပ်ဘက်မှာ။ လောလောဆယ်အခု သ‌င်္ဘောမြုပ်တဲ့ဟာက မိတဲ့ဟာကမိ သေတဲ့ဟာကသေ ဧရာဝတီမြစ်ကို မျောပြီးနေတယ်။”လို့မြေပြင်ရဲဘော်တစ်ဦးကပြောပါတယ်။ ဒါ့အပြင် ဗန်းမော်ဘက်က ဆင်းလာတဲ့ သ‌င်္ဘောနှစ်စီးကိုလည်းစင်းခန်းတံတားအနီးမှာ တော်လှန်ရေးတပ်တွေက တိုက်ခိုက်နေတယ်လို့ သူက ဆိုပါတယ်။ “ဗန်းမော်ကဆင်းခဲ့တဲ့ သ‌င်္ဘောနှစ်စီးကလည်း စင်းခန်းတံတားကြောဘက်မှာ ထိတွေ့မှုဖြစ်နေတယ်။ “ ပြီးခဲ့တဲ့ စက်တင်ဘာ ၁၄ရက် မနက်ပိုင်းကလည်း ဗန်းမော်မှ စုန်ဆင်းလာတဲ့ စစ်‌သင်္ဘောတစ်စီးကိုလည်း တော်လှန်ရေးပူပေါင်းတပ်တွေက ဒရုန်းတွေနဲ့ တိုက်ခိုက်ခဲ့လို့ နစ်မြုပ်သွားခဲ့ပါသေးတယ်။ စက်တင်ဘာလ ဒုတိယပတ်အတွင်းမှာလည်း ရွှေကူမြို့နယ် စင်းခန်းတံတားအနီးနဲ့ ဇင်းဘုံရွာ‌အနီးမှာ KIA ဦးဆောင်တဲ့ တော်လှန်ရေးတပ်တွေနဲ့ စစ်အုပ်စုတို့အကြား မြေပြင်တိုက်ပွဲတွေ ဖြစ်ပွားခဲ့ပြီး စစ်အုပ်စုဘက်က နေ့ရောညပါ လေကြောင်းကနေ ဗုံးကြဲပစ်ကူနေတာတွေ လုပ်နေခဲ့တယ်လို့ မြေပြင်စစ်ရေးသတင်းရင်းမြစ်တွေက ပြောပါတယ်။ အဲဒီတိုက်ပွဲတွေအတွင်းမှာလည်း စစ်အုပ်စုဘက်က ထိခိုက်သေဆုံးတာတွေ ရှိခဲ့ပေမယ့် အတိအကျ မသိရသေးဘူးလို့ မြေပြင်ရဲဘော်တစ်ဦးကပြောပါတယ်။ သြဂုတ်လ ၂၁ ရက်နေ့က မန္တလေး ဂေါဝိန်ဆိပ်ကမ်းကနေ ၁၅စီးပါ စစ်ရေယာဉ်အုပ်စုထဲက ရှစ်စီးထက်မနည်းတိုက်ခိုက်ခံခဲ့ရပါတယ် ။ အဲဒီနောက် စက်တင်ဘာ ပထမပတ်အတွင်း မန္တလေးဘက်ကနေ ၃၁စီးပါ ဒုတိယ စစ်အုပ်စုရေယာဉ်တွေ ထပ်မံ ဆန်ဆက်လာခဲ့ပြီး လေးစီးက ကချင်ဘက်ကို ဆက်တက်လာခဲ့ရာ စက်တင်ဘာလ ၉ရက်နေ့မှာ အဲဒီထဲက နှစ်စီး တိုက်ခိုက်ခံခဲ့ရပါတယ်။ စက်တင်ဘာလ ၁၁ ရက်နေ့မှာလည်း ရွှေကူမြို့အနီးမှာ တွန်းတွဲရေယောဉ်နှစ်စီးနဲ့ Speed Boat တစ်စီး စုစုပေါင်းသုံးစီး တိုက်ခိုက်ခံခဲ့ရသလို စက်တင်ဘာလ ၁၃ ရက်နေ့ကလည်း ရွှေကူမြို့နယ် ရေနီကျေးရွာအနီးမှာ ကမ်းကပ်ထားတဲ့ စစ်အုပ်စု ရဲ့ရေယာဉ်တစ်ဦးကိုလည်း တော်လှန်ရေးတပ်တွေက FPV ဒရုန်းတွေနဲ့ ထပ်မံတိုက်ခိုက်ခဲ့ပါသေးတယ်။ ဗန်းမော်နဲ့ ရွှေကူအကြား ဧရာဝတီမြစ်ကြောင်းတစ်လျှောက်မှာ စစ်အုပ်စုရဲ့ ရေယာဉ်တွေကို ကချင်လွတ်လပ်ရေးတပ်မတော်(KIA )နဲ့ ပြည်သူ့ကာကွယ်ရေးတပ် PDF ပူးပေါင်းတပ်ဖွဲ့တွေက ဆက်လက် တိုက်ခိုက်နေပြီး စစ်အုပ်စုရဲ့ တိုက်ခိုက်ရေးရေယာဉ်တွေနဲ့ စက်လှေတွေ အပါအဝင် ရေယာဉ်အကြီးအသေး စုစုပေါင်း (၁၇)စီးထက်မနည်း တိုက်ခိုက်ဖျက်ဆီးခံရထားတယ်လို့ ဒေသတွင်းစစ်ရေးသတင်းရင်းမြစ်တွေက ပြောပါတယ်။ ဒီကနေ့မနက်ပိုင်းက ‌KIA ပူးပေါင်းတပ်တွေတိုက်ခိုက်လို့ စစ်အုပ်စု သင်္ဘောတစ်စီး နစ်မြုပ်သွားစဉ်/ဓာတ်ပုံ-စစ်ရေးသတင်းရင်းမြစ်တစ်ဦး MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ တယ်လီဂရမ်မှာလည်း ကြည့်နိုင်ပါတယ်။ #Mandalay_Free_Press_MFP #ကချင် #ရွှေကူ #သင်္ဘောနစ်မြုပ်

Saw Kalaya Oo

Open In TikTok:

Region: US

Wednesday 16 September 2026 06:22:07 GMT