@keydka12: Waxaan daawaday muuqaal laga soo duubay nin la yiraahdo Sheikh Hassan Wajidi, isagoo Soomaalida degan Kenya u sheegaya inaysan carruurtooda geyn isbitaallada ay ka shaqeeyaan dhakhaatiirta aan Muslimka ahayn. Sheekhan ayaa yiri: “Ilmaha dhakhaatiirta gaalada yaan loo geynin.” Ninkan wuxuu hilmaamay in isbitaallada waaweyn ay dhammaantood ka wada shaqeeyaan dad aan Muslim ahayn. Waxaa jira isbitaallo ay leeyihiin Soomaali, waxaana iyagana ka shaqeeya dad aan diinta Islaamka haysan. Way jiraan dhakhaatiir Muslimiin ah, balse aad bay u yar yihiin tiro ahaan mana awoodaan inay u shaqeeyaan dhammaan Soomaalida iyo Muslimiinta waddankan. Hassan Al Wajidi wuxuu doonayaa inuu kalsooni-darro ka dhex abuuro bulsho isku dhex nool, taasna runtii ma fiicna. Bal ka warran haddii maanta bulshooyinka kale loogu baaqo inaysan waxba ka iibsan ganacsiyada Muslimiinta?