EDnews | Eurasia Diary
Region: AZ
Wednesday 16 September 2026 11:19:38 GMT
371
9
2
0
Music
Download
Comments
EDnews | Eurasia Diary :
Fond rəhbəri Qarabağ və Şərqi Zəngəzura səfər edəcək dini liderlərin burada 30 illik işğalın nəticələri və hazırda həyata keçirilən genişmiqyaslı bərpa-quruculuq işləri ilə yerində tanış olmasının da mühüm məsələ olduğunu vurğulayıb. O qeyd edib ki, bölgədə dağıdılmış şəhər və kəndlər, dini abidələr və məscidlər uzun illər davam edən işğalın ağır nəticələrini göstərir. Onun sözlərinə görə, Xocalı soyqırımı, işğal nəticəsində yaşayış məntəqələrinin və dini-mədəni abidələrin dağıdılması, yüz minlərlə azərbaycanlının məcburi köçkün vəziyyətinə düşməsi Azərbaycanın tarixi yaddaşının mühüm hissəsidir. Umud Mirzəyev bildirib ki, Birinci Qarabağ müharibəsi zamanı itkin düşmüş azərbaycanlıların taleyinin müəyyənləşdirilməsi və kütləvi məzarlıqların aşkarlanması məsələsi də humanitar baxımdan xüsusi diqqət tələb edir. O bildirib ki, Azərbaycan öz ərazi bütövlüyünü və suverenliyini hərbi-siyasi mübarizə nəticəsində bərpa etdikdən sonra bölgədə sülh və əməkdaşlıq gündəliyinə üstünlük verir. Ekspertin sözlərinə görə, Azərbaycan-Ermənistan arasında formalaşan sülh prosesinin uzunmüddətli və davamlı olması Cənubi Qafqazda sabitliyin təmin edilməsi baxımından mühüm əhəmiyyət daşıyır. Umud Mirzəyev eyni zamanda Azərbaycanın təhlükəsizlik məsələlərinə xüsusi diqqət yetirməsinin vacibliyini qeyd edib. O bildirib ki, ölkənin suverenliyinin, ərazi bütövlüyünün və təhlükəsizliyinin etibarlı şəkildə qorunması üçün müdafiə imkanlarının gücləndirilməsi və mümkün risklərə qarşı ayıq-sayıq olmaq mühüm amillərdəndir. Onun sözlərinə görə, Ermənistanın silahlanması və mümkün revanşist yanaşmaların qarşısının alınması regionda sülhün qorunması baxımından nəzərə alınmalı məsələlər sırasındadır. Fond rəhbəri Ermənistan ərazisindən müxtəlif dövrlərdə qovulmuş azərbaycanlıların məsələsinə də toxunaraq qeyd edib ki, etnik təmizləmə nəticəsində 250 minə yaxın azərbaycanlının indiki Ermənistan ərazisindən didərgin salınması ilə bağlı məsələlər tarixi yaddaş və humanitar hüquqlar kontekstində araşdırılmalıdır.
2026-09-16 11:20:19
0
EDnews | Eurasia Diary :
Umud Mirzəyev Qarabağ və Şərqi Zəngəzurda Böyük Qayıdış Proqramının həyata keçirilməsini də mühüm proses kimi qiymətləndirib. O bildirib ki, keçmiş məcburi köçkünlərin doğma torpaqlarına qayıdışı ilə yanaşı, bölgədə şəhər və kəndlərin yenidən qurulması, infrastrukturun yaradılması, tarixi və dini irsin bərpası istiqamətində genişmiqyaslı işlər görülür. Ekspertin sözlərinə görə, işğaldan azad edilmiş ərazilərdə dağıdılmış məscidlərin bərpasına xüsusi diqqət yetirilməsi Azərbaycanın dini və mədəni irsin qorunmasına verdiyi önəmin göstəricisidir. O, Ağdam məscidinin bərpasını bu istiqamətdə həyata keçirilən mühüm layihələrdən biri kimi qeyd edib. Umud Mirzəyev hesab edir ki, Qarabağ və Şərqi Zəngəzurda aparılan bərpa-quruculuq işlərinin xarici diplomatik korpusun nümayəndələri, dini liderlər və beynəlxalq ictimaiyyətin müxtəlif nümayəndələri tərəfindən yerində görülməsi də mühüm əhəmiyyət daşıyır. Onun fikrincə, bu cür səfərlər bölgədə baş vermiş hadisələrin və hazırda həyata keçirilən proseslərin daha yaxından öyrənilməsinə imkan yaradır. “Bütün bunlar göstərir ki, Azərbaycan üçün Türk dünyası, Qafqaz və İslam aləmi arasında həmrəyliyin və qarşılıqlı əməkdaşlığın gücləndirilməsi mühüm prioritetlərdəndir. Dini liderlərin, ictimai xadimlərin və beynəlxalq nümayəndələrin dialoq platformalarında bir araya gəlməsi həm tarixi həqiqətlərin çatdırılması, həm də gələcəkdə regionda sülh və qarşılıqlı anlaşmanın möhkəmləndirilməsi baxımından əhəmiyyətlidir”, – deyə Umud Mirzəyev bildirib.
2026-09-16 11:20:24
0
To see more videos from user @ednews_tv, please go to the Tikwm
homepage.
